Malakiya 2:5 - Bhiblia Yo Sawuleka

⁵ Txitumelelano txangu ni nene, i ti ti txa wutomi ni kudikha, se ani ni mningile txona kasi ku e ni thava; se a ni thavile e xamala ngu mhaka ya ditina dangu.

Malakiya 2:5 Referans Kwoze

Ezekhiyele 37:26

Ni na maha navo txitumelelano txa kuthutha; i nava txitumelelano txa kwa mbi gwita; ni na va tsanisa ni va andisa, ni veka nyumba yangu yo sawuleka hagari kwawe yotshe mbimo.

Ezekhiyele 34:25

Kambe ni na maha txitumelelano txa kuthutha kumweko nato, ni txi heta sihari sa tshofu ha mafuni; ti na zumba txiwulani ti di tsani, ti txi otela sitingani.

Mitengo 8:15

Valevhi va na wulela mthumoni ko xayisa ditenda da msengeletano, ku nga ti u txi va basisa, ni ku va ningela ka mningelo wa kundiwitela.

Mitengo 3:45

Teka Valevhi ka wukhalo wa otshe matiwula a vanana va ka Israyeli, se sihari sa Valevhi ka wukhalo wa sihari sa Vaisrayeli. Valevhi va na va vangu. Ani ngani Mkoma!

Mitengo 25:7

Se aha a nga wona tiya Finiyasi, mwana Eleyazari, wa Aroni mphaxeli, a to khukha hagari ka msengeletano, a di ni ditxhari manzani.

Mitengo 25:8

Mamoyo a to londeta wamwamna wule wa Muisrayeli ditendani, a txi ya va thola votshe vavambidi, wamwamna wule wa Muisrayeli ni wamsikati wule, ngu ha ka mirumbu, sekoko mtungu wu to ema ka vanana va ka Israyeli.

Masalmo 61:5

Awe koko Txizimu, u engisile sixambanyo sangu u amukete txikombelo txa vale va ku dhumisako.

Mavingu 14:2

Awule a tsimbilako ngu ka wunene wakwe wa thava Mkoma, aniko awule a ku ka nzila yo wekela, wa mtxhipisa.