Malakiya 2:2 - Bhiblia Yo Sawuleka

² Ngako mi si txi engisi, mi si ti emiseli timbiluni kwanu, kuninga txithavo ka ditina dangu, kuwomba Mkoma wa Mabutho a Tiyimbi, ni na rumela makhombo txitimwi kwanu, kambe ni na ruketela tithomba tanu, se ni ti ruketete nguko anu kha mi ti veki eto timbiluni kwanu.

Malakiya 2:2 Referans Kwoze

Mtuletelo 14:7

Yona yi ti womba-womba ngu dipswi da hombe, yi txi kha yona: “Thavani Txizimu mi txi pfalisa, nguko txi hokile txikhati txa kulamula ka txona; khozelani awule a nga maha nzuma ni mafu, linene ni sisima.”

Luka 17:18

Kha maneka ni wammweyo a nga tshumela a ta bonga ka Txizimu, hahanze ka wu wa matiko.”

Masalmo 69:22

Mibuso yakwe yi na hinduke yi maha milawu, yi txi daya ene ni vale a nga va ramba.

1 Pedro 4:11

Awu a wombawombako, a na womba-wombe ngu kulondisa dipswi da Txizimu. Awu a thumako a na thume madingano ni txyavelo txi a nga hiwa ngu Txizimu, kasiku, Txizimu txi pfaliswa ka sotshe somaha, ngu Jesu Kristu, i ku ene a lumbwako ngu kupfaliswa, ni mtamo, ngu ha ku si gwitiko. Amen!

Malakiya 3:9

I di kuruketelwa mi ruketetwe, nguko ma ni pela, anu motshenu va ditiko diya.

Ezekhiyele 3:7

Aniko nyumba ya ka Israyeli, kha yi na mbi ti lava ku kuengisa, nguko kha va lavi ku ni engisa ani; nguko yotshe nyumba ya ka Israyeli yi ni khohe yo eyisa ni mbilu yo banga.

Mtuletelo 16:9

Se vathu ve hya ngu kuhisa ka hombe, ve khata kuruketela ditina da Txizimu, txi txi ku ni mtamo txitimwi ka mitungu yiya. Kambe kha va hunduluka ve txi pfalisa.

Hagayi 1:9

Mi rinzete sasingi, aniko mi mani sa sidotho, ni soneso sa sidotho, mbimo yi mi nga si wuyisa m'tini, ani ni si futetile. Ngu kutxani kani? Kuwombile Mkoma wa Mabutho a Tiyimbi. Ngu mhaka ya nyumba yangu i ku ditshatsha, se mmweyo ni mmweyo wanu a tutumela nyumbani kakwe.

Hagayi 1:6

Mi phayile ngutu, kambe mi funyela ka kudotho; ma dya, aniko kha mi khuri; ma sela, aniko kha mi kolwi; ma ambala, aniko kha mi futumeli; ni wule a holako, a hola ka txikwamana txo doleka.

Jeremiya 34:17

Ngu konaho, Mkoma a khene: Anu kha ma ni engisa, kha ma peka nyiwo ya kutxhatxheka mmweyo ni mmweyo ka mmwani, ni mmweyo ni mmweyo ka mwakelani wakwe. Wonani, na mi bikela kutxhatxheka, kuwomba Mkoma, ni txhatxha matxhari, ni mtungu, ni nzala; na mi ningela mi txi xaniswa ka yotshe mifumo ya mafu.

Isaya 57:11

Se u thava mani mwendo kudhudhumela, aha koza u hemba u si ni alakanyi, mwendo ku ni veka mbiluni kwako kani? Ina hi nga mhaka ya kule ni nga malala kukhukhela kale, se u si ni thavi kani?

Isaya 47:7

Se u ti ti khawe: “Ni na va mfumeli wa txisikati yotshe mbimo”; kala kuwa khwa veka timhaka tiya mbiluni kwako, hambi kualakanya magwito a tona.

Isaya 42:25

Ngu mhaka yeto, a tshakunutile kuhenya kwakwe txitimwi kwawe, ni mtamo wa yimbi. Se a va vekete m'dhikila madhawani, kambe kha va tipfisisa txilo keto; a va hisile aniko kha va veka mbilu yawe keto.

Joxuwa 7:19

Sekoko Joxuwa a to khene ka Akane: “Mwanangu, na ku kombela, dhumisa Mkoma, Txizimu txa ka Israyeli, u txi ti sola masoni kwakwe; womba kwangu kona kuwa ati u nga maha, u nga ni sisele.”

Mavingu 3:33

Txiruko txa Mkoma txi zumba nyumbani ka muonhi, aniko ene a na katekisa aha a zumbako kona m'thu wo lulama.

Malakiya 2:1

Se konkuwa, anu vaphaxeli, txirumo txiya txi lumba anu.