Malakiya 2:16 - Bhiblia Yo Sawuleka

¹⁶ Nguko Mkoma, Txizimu txa ka Israyeli, a khene: Na vengela kulekana, ni wule a sisako kulwisana ngu syambalo sakwe, kuwomba Mkoma wa Mabutho a Tiyimbi; ngu toneto, ti xayiseni mimoyani kwanu, kambe mi nga lekeni mlayo.

Malakiya 2:16 Referans Kwoze

Luka 16:18

“Wuhi ni wuhi a lekako msikati wakwe e teka mmwani, wa maha wugango; se awu a tekako wu a nga lekwa ngu mkatakwe, wa maha wugango.”

Mavingu 28:13

Awule a sisako sihambunyeto sakwe, kha na mbi dhuka e humelela; aniko awule a ti solako ni ku si leka, a na mana wumbilu.

Isaya 59:6

Sisaka sa va nyazombe kha si dingani kuluka ngu sona syambalo, hambi ku ti fenengeta ngu mithumo yawe; mithumo yawe, mithumo ya wubihi, ni mithumo ya wugevenga yi manzani kwawe.

Isaya 50:1

Mkoma a womba tiya: Di hani dipapilo da kulekwa ka mame wanu, adi ni nga mtovela ngu dona kani? Mwendo i mani mxavi wangu, awu ni nga mi xavisa kwakwe kani? Wonani taku mi xavisilwe ngu mhaka ya wubihi wanu, ni mame wanu a tovetwe, ngu mhaka ya kuwekela kwanu.

Isaya 28:20

Nguko m'bhedhu wu na koma ngutu, aha ko ni wammweyo kha na kusikota kunavalata ka wona; ni didhamba di na songa, aha ko ni wammweyo kha na ku sikotako ku ti fenengeta ngu dona.

1 Vakorinto 7:10

Aniko na ruma ava va nga tekana hi nga ani ni rumako, kuruma Mkoma, ti to wamsikati asi lekani ni mwamna wakwe.

Masalmo 73:6

Kutiguleta kwawe ku va randete nga wusekenya mkoloni va thumisa wurena nga bombo.

Mavingu 5:20

Se mwanangu, u ndi na navetiswa kutxani ngu dibhemba, se u khutarela titshumbu ta wa matiko kani?