Malakiya 2:12 - Bhiblia Yo Sawuleka

¹² Mkoma a na tutumisa m'thu wu a mahako eto matendani ka Jakobe, wule a wonelelako ni wule a xamulako, ni wule a ningelako siningo ka Mkoma wa Mabutho a Tiyimbi.

Malakiya 2:12 Referans Kwoze

Mtuletelo 19:20

Kambe txikalani txi to ñolwa kumweko ni mprofeti wa makuhu, awu, ngu kuthumela txikalani, a nga ti mahile sixamaliso so kanganyisa ngu sona vale va nga amukela txixambanyo txa txikalani, ve khozela txithombe txa txona: Txikalani ni mprofeti wa makuhu va to rinzwa, va txi hanya, digovani ka mndilo, wu turako ngu txivavula.

2 Timoti 3:13

Kasi vathu va tshofu ni vaxengeteli, vona va na ya masoni ngu kumaha wubihi, va txi kanganyisa vamwani ni ku ti kanganyisa vapune.

Matewu 15:14

Va lekeni! Mabhofu ma thangelelako mabhofu-kulowe; se ngako dibhofu di txi ñoleta lisole dimwani dibhofu, votshe va na wela diphalani ngu wumbidi wawe.”

Malakiya 2:10

Ina kha hi nga ni tate mmweyo athu hotshethu kani? Kha ha vangwa ngu Txizimu tximwetxo kani? Ngu kutxani hi kanganyisana, hi onha ni txitumelelano txa vatate vathu kani?

Malakiya 1:10

I mani akuho kambe hagari kwanu, waku a nga seka matimba, kasi ku mi si dhiveli walo mndilo txiluveloni kwangu kani? Ani kha ni tsakiswi ngu nganu, kuwomba Mkoma wa Mabutho a Tiyimbi, kambe kha ni na mbi amukela mphaxo wa manzani kwanu.

Zakariya 12:7

Se kukhata, Mkoma a na hulukisa matenda a ka Judha, ku mahela tito, wudhundo wa nyumba ya Dhavhidha ni wudhundo wa vaaki va Jerusalema, wu si guletwi kupinda wa ka Judha.

Amosi 5:22

Hambi ni txo ni ninga miningelo, ni miningelo ya sakudya, na mbi tsaka ngu sona, kambe na mbi wonetela miningelo ya sihari sanu.

Ezekhiyele 24:21

I nda khawe ka nyumba ya ka Israyeli: Mkoma Txizimu a khene: Wonani taku ni na nyenyezisa nyumba yangu yo swuleka, i ku wudhumo wa kutsaniswa kwanu, ni kunavela ka maso anu, ni kutsaka ka mihefemulo yanu; se vanana vanu va mazambi ni vamahorana vale mi nga va siya, va na dawa ngu ditxhari.

Ezekhiyele 14:10

Se mprofeti ni m'thu wule, va na rwala mnandu wawe; mnandu wa wule a wotisako wu na va mnandu wa mprofeti;

Isaya 66:3

A wule a dayako homu, a fana ni wule a dayako m'thu; awu a phaxako ngu txinvutana, a fana ni wule a dayako yimbwa; awu a ningelako sa thembweni a fana ni wule a ningelako mnoha wa khumba; awule a hisako dibaselo a fana ni wule a khozelako txithombe; ni vona vava va ti langela tinzila tawe vapune, se muhefemulo wawe wa tsaka ngu wubihi wawe.

Isaya 61:8

Nguko ani Mkoma, ni randa kululama, ni nyenya wubihi; ani ni na va ninga ngu ditshuri hakhelo yawe, kambe ni na maha navo txitumelelana txo mbi guma.

1 Makronika 25:8

Se va to xaxuva tixolo madingano ni vawoneleli, ngu kufana, ka vadotho ni vahombe, vo ziva mthumo, ni vagondiswa.

1 Samuwele 3:14

Ngu toneto, ni xambanyete nyumba ya Eli, ti taku kuonha ka nyumba ya Eli kha ku na mbi dhuka kudivalelwa kambe, ngu miphaxo, hambi ngu mningelo wa sakudya.

Mitengo 24:5

Eto ma nga tshurisa tona matenda ako awe Jakobe! Eto di nga tshurisa tona dizumbo dako awe Israyeli!

Levhi 20:3

Ni na mronokela ngu maso angu, ni txi mwukela eyo m'thu, ni na mtutumisa hagari ka vathu va ka kwawe, nguko a ningete mwanana wakwe ka Moloke, e nyenyezisa wukhalo wangu wo sawuleka, ni ku bihisa ditina dangu do sawuleka.

Levhi 18:29

Kkambe wule a no va a txi mahetela timhaka to nyenyeza, a na tovelwa hagari ka vathu va ka kwawe.

Hoseya 9:12

Hambi va txi ta wunja vanana vawe, ani ni na va tekela, ku si sali m'thu ni wammweyo; nguko dikhombo kwawe, ngako kambe vona va txi ni leka!

Malakiya 1:13

Se mi khanu: Wonani kunemela ka tona! Se mi ti ningete kutxhipiswani, kuwomba Mkoma wa Mabutho a Tiyimbi; anu mi ningela so piwa, so limala, ni so lwala; se mi mahisa eto miningelo; si amukelwa soneso sa kuta ngu manzani kwanu kani? Kuwomba Mkoma.