Malakiya 2:11 - Bhiblia Yo Sawuleka

¹¹ Judha a lekile mlayo, se a mahile manyala ka Israyeli ni Jerusalema; nguko Judha a nyenyezisile wukhalo wo sawuleka wa Mkoma, awule ene a wu dhundako, se e teka mwanana wa dihorana da txizimu txa walo.

Malakiya 2:11 Referans Kwoze

Mtuletelo 21:8

Kambe ka va va dizowa, vo mbi kholwa, vo dhunda manyala, va dayi va vathu, magelegele, va matiloti ni votshe va lumbeti, vakhozeli va si i ku si nga Txizimu, ni ka votshe va makuhu, txyavelo txawe ngu kuvinzwa txizivani ka mndilo wo tura ngu txivavula, i ku lona lifo la wumbidi.”

Hoseya 6:7

Kambe vona va ndakile txitumelelano kufana ni Adhamu; se vona va tsimbite ngu nzila yo ni kanganyisa.

Ezekhiyele 22:11

Mmwani a otete ni msikati wa muakelani wakwe, mmwani a txi otela ni mane wakwe, se mmwani a txi gima ndiyakwe, i ku mwanana wa tate wakwe.

Ezekhiyele 18:13

a zumbako ni siya so lombwa, a amukelako so tala, ina a nga hanya kani? Kha na mbi hanya! Otshe manyala awa a ma mahile, ngu ditshuri a na fa; mnoha wakwe wu na va txitimwi kwakwe.

Jeremiya 7:10

Sekoko mi ta ema masoni kwangu nyumbani muwa, kudhanwako ngu ditina dangu, mi txi khanu: Athu hi hulukile! Na kuve mi ngadi mi txi maha otshe manyaleyo.

Jeremiya 2:3

Sekoko Israyeli i ti ti msawuleki wa Mkoma Siyalo so khata sa kufunyela kwakwe; votshe vale va mvandamulako va ni mnandu va na welwa ngu dikhombo, kuwomba Mkoma.”

Masalmo 106:28

Se va to khozela Bhahali-Peyori, va txi dya timhamba to mahelwa vafi.

Ezra 10:2

Sekaniya, mwana Jeyeli, mmweyo wa vanana va Elamu, a to xamula a txi khene ka Ezra: Athu hi ti nga eyisa Txizimu txathu, hi tekile vasikati va mamwani matiko, hambi keto, ka yona mhakeyo, ku nga diho kuthemba ka Israyeli.

Ezra 9:12

Se konkuwa, vanana vanu vamahorana, va nga tekwe ngu vanana vawe va majaha, ni vanana vawe vamahorana, va nga tekwe ngu vanana vanu va majaha, kambe mi nga laveni kuthutha ni kuzumbiseka kwawe; kasi ku mi ti tsanisa, mi txidya sa sinene sa ditiko diya, se mi na di maha thomba ya vanana vanu kala kupinduka.

Valamuli 3:6

va to teka vanana vamahorana va vamatiko va txi maha vasikati vawe, se ni vona ve ningela vanana vawe vamahorana ka mazambi a vamatiko; aniko va to khozela sizimu sawe.

Dhewuteronome 14:2

Nguko anu mi vathu vo sawuleka ka Mkoma, Txizimu txanu, kambe Mkoma a mi sawute hagari ka vamwani vathu, votshe vale va kuho txitimwi ka mafu, kasi ku mi va vathu vakwe mipune.

Levhi 20:26

Mi fanete ku ti maha vo sawuleka kwangu, nguko ani Mkoma ni wo sawuleka, kambe ni mi hambanisile ni totshe tixaka ta vathu, kasiku mi va mi di vathu vangu.

Malakiya 1:1

Dipswi da Mkoma do lamula Israyeli, di nga wombwa ngu Malakiya.

Jeremiya 3:10

Hambi keto, Judha, ndiyakwe wo mbi thembeka, kha wuya ngu mbilu yakwe yotshe, aniko ngu wuviyaku, kuwomba Mkoma.”