Malakiya 2:10 - Bhiblia Yo Sawuleka

¹⁰ Ina kha hi nga ni tate mmweyo athu hotshethu kani? Kha ha vangwa ngu Txizimu tximwetxo kani? Ngu kutxani hi kanganyisana, hi onha ni txitumelelano txa vatate vathu kani?

Malakiya 2:10 Referans Kwoze

Masalmo 100:3

Ti ziveni ti to Mkoma ngene Txizimu txathu; ngene a nga hi va nga, athu hi lumba ene; athu hi vathu vakwe ni mtxhambi wakwe!

Malakiya 2:11

Judha a lekile mlayo, se a mahile manyala ka Israyeli ni Jerusalema; nguko Judha a nyenyezisile wukhalo wo sawuleka wa Mkoma, awule ene a wu dhundako, se e teka mwanana wa dihorana da txizimu txa walo.

1 Vakorinto 8:6

kambe kwathu kha txi nga ho tximwani hahanze ka Txizimu tximwetxo dwe, Tate wu, sotshe si tako ngu kwakwe, awu, hotshethu hi hanyelako ene; ni Mkoma mmweyo dwe, Jesu Kristu, awu, sotshe si hanyako ngu ngene, ni nathu hi hanyako ngu ngene.

Vaefesu 4:6

ku ni Txizimu tximwetxo, i ku Tate wa votshelele, a va fumako votshelele, a thumako ngu votshelele, a zumbako ka votshelele.

Isaya 63:16

Aniko awe u Tate wathu, hambi kule Abrahamu asi hi ziviko, ni Israyeli asi hi alakanyiko. Awe Mkoma, u Tate; Mtiruli wathu, kukhukhela kaleko, ditina dako.

Isaya 64:8

Kambe konkuwa, awe Mkoma, awe ngawe tate wathu; athu hi dibumba, se awe u muwumbi wathu; kambe athu hotshethu hi mthumo wa manza ako.

Mithumo 7:26

Se ngu ditshiku di di londetako, a to mana vamwani vavambidi va txi lwa, se e va khongotela ngu ku va kamba, a txi khene: ‘Vavamna, mi va lixaka limwelo! Mi lwela txani kani?’

Matewu 3:9

mi nga ti kanganyiseni mi txi khanu: ‘Hi ni tate wathu Abrahamu’, nguko na mi gela ti to Txizimu txa sikota kuhindula marigwi awa ma txi maha vanana va Abrahamu.

Johani 8:41

Anu mi maha mithumo ya tate wanu.” Konaho va to kha vona kwakwe: “Athu kha ha velekwa wugangoni. Hi na ni tate mmweyo, i ku Txizimu.”

Matewu 22:16

Se va to m'rumela vagondiswa vawe ni va ka Herodha, va txi ya kha vona: “M'gondisi, ha tiziva ti to u na ni ditshuri ni ti to u gondisa nzila ya Txizimu ngu ditshuri, u si khatali ngu m'thu, nguko khu yi ngu txiemo txa m'thu.

Matewu 10:21

“Mwanawe a na ningela mmwani mwanawe kudawani; ni tate a na ningela mwanana wakwe; vanana va na wukela vaveleki vawe, va txi va daya.

Malakiya 2:8

Kambe anu mi lekile nzila, mi mahile ti to vavangi ve leka mlayo, mi onhile txitumelelano txa Levhi, kuwomba Mkoma wa Mabutho a Tiyimbi.

Malakiya 1:6

Mwanana wa mfana a na thava tate wakwe, ni txithumi txi na thava nyamne wa txona; se, ngako ani ni di tate, txi hayi txithavo kwangu kani? Ngako ani ni di Mkoma, ku hani kuthavwa kwangu kani? Kuwomba Mkoma wa Mabutho a Tiyimbi kwanu, anu vaphaxeli, mi txhipisako ditina dangu, mi txi khanu: Hi di txhipisisa kutxani ditina dako kani?

Ezekhiyele 33:24

Awe mwanana wa m'thu, ava va zumbako ka makhalo awa a siwula, va womba-womba va txi kha vona: “Abrahamu i ti ti ene ekha nyamne wa mafu awa; kambe athu hi vangi; hi ningilwe ditiko diya ku va thomba yathu.”

Isaya 51:2

Wonani ka Abrahama tate wanu, ni ka Sara awu a nga mi veleka; nguko ni m'dhani a di ekha, kambe ni mkatekisile, ni tshumela ni muandisa.

Isaya 44:2

Mkoma wu a nga kuvanga, e kuwumba kukhukhela mndani, ni ti to a na kuvhuna, a khene: U nga thave awe Jakobe, txithumi txangu, ni nawe Jesurumi, awe ni nga kusawula.

Isaya 43:15

Ani ngani Mkoma, Msawuleki wanu, Muvangi wa Israyeli, Mfumeli wanu.

Isaya 43:7

ka votshe vale va dhanwako ngu ditina dangu, ni vale ni nga va wunja, kasi kuva wudhumo wangu; ani ni va wumbile, ina, ani ni va vangile.

Isaya 43:1

Se konkuwa, kuwomba Mkoma, wule a nga kuvanga, awe Jakobe, kambe a nga kuwumba awe Israyeli, a khene: U nga thave, nguko ani ni ku tirute; ni kudhani ngu ditina dako; awe u wangu.

Jobe 31:15

Awule a nga ni wumba mndani ka mame, ina hi nga ene a nga wumba khumbi kani? Ina kha hi maha ngu mamahelo mamwewo mndani ka mame kani?

Nehemiya 13:29

Vaalakanye, awe Txizimu txangu, nguko va nyenyezisile wuphaxeli, ni txitumelelano txa wuphaxeli, ni txa Valevhi.

Joxuwa 24:3

Se ani ni tekile tate wanu Abrahamu mtxhatuko ka mnambo wa Jordhani ni txi mtsimbilisa ngu ka dotshe ditiko da Kanana, ni andisile liveleko lakwe ni txi mninga Isaake.

Eksodha 19:5

Kukhukhela ka kuwa, ngako mi txi engisa dipswi dangu, mi txi londeta mhaka ya txitumelelano txangu, hagari ka votshe vathu, sekoko mi na va mi di thomba yangu. Nguko dotshe ditiko ndangu.

Vahebheru 12:9

Hahanze ka toneto, hi ni vatate vathu va mmidi, avava va nga hi gondisa, vona ha va xonipha. Ina kha hi faneli kuthava ngutu Tate wa mimoya, kasi ku hi na hanya kani?

1 Vatesalonika 4:6

Ka yiya mhaka, m'thu a nga thuke a txi dyelela mkwawe, nguko Mkoma wa ziva kupharela ka sotshe siya, kota nga ti hi nga mi gela, hi txi tshumela hi mi xambanyela.

Vaefesu 4:25

Ngu konaho, lekani makuhu mi txi womba ditshuri mmwani ni mmwani ka mkwawe, nguko hotshethu hi sihango sa mmidi wumwewo.

Varoma 9:10

Atiya kha ta maheka kwakwe dwe, aniko nene Rebheka, a velekile ngu ka wamwamna mmweyo, i ku tate wathu Isaake.

Varoma 4:1

Hi na khathu txani ngu Abrahamu, kokwani wathu ngu ka nyama kani?

Mithumo 17:25

kha txi thumelwi ngu manza a vathu, txi txi nga txo pwata txilo, nguko txona txipune ngu txona txi ningako sotshe ka votshe, wutomi ni kuhefemula ni sotshe simaha .

Mithumo 7:2

Sitefani a to xamula, a txi khene: “Anu vanathu ni nanu vatata, ni engiseni! Txizimu txa wudhumo txi ti kombisile ka tate wathu Abrahamu, na a di ngadi Mesopotamiya, na a sinzi kuaka Harani,

Johani 8:56

Abrahamu, tate wanu, a tsakete kuwona ditshiku dangu, se a di woni e nengela.”

Johani 8:53

Ina u wa hombe awe, kupinda Tate wathu Abrahamu, awu a nga fa kani? Ni vaprofeti ni vona va nga fa. Awe u ti maha mani kani?”

Johani 8:39

Va to xamula va txi kha vona kwakwe: “Tate wathu ngu Abrahamu.” Se Jesu a txi khene kwawe: “Ngako mi di vanana va Abrahamu, mahani mithumo ya Abrahamu.

Luka 3:8

Ngako i di toneto, humisani mihando yi yi kombisako kuhunduluka; mi nga thukeni mi alakanya mi txi khanu: ‘Hi ni tate, wathu Abrahamu’; nguko ni khani kwanu: Txizimu txi nga sikota kuhindula marigwi awa me maha vanana va Abrahamu.

Luka 1:73

Ni txixambanyo txi, a nga maha ka tate wathu Abrahamu,

Mithumo 17:24

Txizimu txi txi nga va nga mafu ni sotshe si si ku ka ona, i ku txona Mkoma wa nzuma ni mafu; kha txi zumbi mathepeleni ka kuakwa ngu manza a vathu;

Mithumo 17:26

Na txi txi khukhela ka m'thu mmweyo, txi vangile totshe tixaka ta vathu, kasiku ve eneta otshe mafu, txi va vekela tinyango ti ti nga sawulwa ngu txona ni mihingano ya muwa va fanelako kuzumba kona:

Eksodha 19:4

“Mi ti woni ati ni nga ti maha ka Vaegipta ni ti ni nga mi gulisa tona ngu txitimwi ka mabhapi a ngungwa, ni txi mi tisa kala kona hawa kwangu.

Eksodha 24:3

A di wuyile koko Mosi a to ta txhamusela ka vathu mapswi a Mkoma ni sotshe sileleto, sekoko vathu va to xamula ngu dipswi dimwedo. Va to kha vona: “Otshe mapswi ale Mkoma a nga ma womba, hi na ma maha.”

Eksodha 24:7

A to teka dibhuku da txitumelelano e di gonda masoni ka vathu; se vathu va to xamula, va txi kha vona: “Totshe ti Mkoma a nga ti womba athu hi na ti tumela kambe hi na ti thuma.”

Jeremiya 31:9

Va na wuya va txi dila, ni txi va heleketa na va txi khongela; ni na va thangela minamboni ka mati, ngu nzila yo basa, eyo va na kwa mbi huma ka yona; ngu ku ni ku tate ka Israyeli, matiwula angu ngu Efrayime.

Isaya 64:7

Se kha ku na m'thu wu a dhanako ditina dako, wu a wukako e namarela kwako; nguko u hi sisete khohe yako, se u hi leka hi lova ngu mhaka ya wubihi wathu.