Malakiya 1:8 - Bhiblia Yo Sawuleka

⁸ Nguko mi txi tisa txihari txi i ku dibhofu, kasi ku ta phaxa ngu txona, kha ta biha! Ni ku ngako mi txi ningela txo limala, mwendo txo lwala, kha ta biha! Se u txi txi ningela ka mthangeli wako, a na kutsakela kani? Ni ku mwendo a na kuamukela kani? Kuwomba Mkoma wa Mabutho a Tiyimbi.

Malakiya 1:8 Referans Kwoze

Dhewuteronome 15:21

Ngako txifuyo txako txi di ni wulima wokari, txi txi nzoda mwendo txi di fite maso, hambi kuva ni wumwani wulima wa hombe, u nga txi ningele ka Mkoma, Txizimu txako ha txiluveloni.

Hoseya 8:13

Madingano ni miphaxo ya siningo sangu, va ningela tinyama ve tshumela vedya, aniko Mkoma kha amukela; konkuwa a na alakanya kuwekela kwawe, e tsayisa sionho sawe, vona va na tshumelela Egipta.

Jeremiya 14:10

Mkoma a womba ngu ditiko diya, a txi khene: Va dhunda kupeperukela nga tiya, kha va ti ñola kutsimbilani kwawe; ngukonaho, Mkoma kha tsakiswi ngu vona; se a na alakanya wubihi wawe, e tsayisa sionho sawe.

Masalmo 20:3

Txizimu txi na khumbule yotshe miningelo yako txi na amukele mhamba yako yo hiswa.

Jobe 42:8

Tekani koko mtxhanu wa marole ni mambidi, ni tihamba, mi tsula ka txithumi txangu Jobe, mi txi ya ningela mphaxo wo hiswa mipune, se txithumi txangu Jobe a na mi kombelela; nguko kutilava ni nga mtumelela, kasi ku ani ni si mi tshumeteli ngu wubihi wanu; nguko anu kha ma womba ditshuri ngu ngani, kufana ni txithumi txangu Jobe.

Malakiya 1:10

I mani akuho kambe hagari kwanu, waku a nga seka matimba, kasi ku mi si dhiveli walo mndilo txiluveloni kwangu kani? Ani kha ni tsakiswi ngu nganu, kuwomba Mkoma wa Mabutho a Tiyimbi, kambe kha ni na mbi amukela mphaxo wa manzani kwanu.

Hagayi 1:1

Ka dilembe da wumbidi da mfumeli Dhariyo, ka mtxima wa wutxhanu ni wumwewo, ka ditshiku do khata da mtxima, kutile dipswi da Mkoma ngu ka mprofeti Hagayi, ka Zorobhabheli, mwana Salatiyeli, mthangeli wa Judha, ni ka Joxuwa, mwana Jozadhake, mphaxeli wa hombe, di txi kha dona:

Malakiya 1:7

Mi ningela sakudya sa nzabwa ka txiluvelo txangu, se mi txi khanu: Hi ku nyenyezisile ngu txani kani? Ka ti mi wombako mi txi khanu: Meza ya Mkoma ya eyiseka.