Malakiya 1:6 - Bhiblia Yo Sawuleka

⁶ Mwanana wa mfana a na thava tate wakwe, ni txithumi txi na thava nyamne wa txona; se, ngako ani ni di tate, txi hayi txithavo kwangu kani? Ngako ani ni di Mkoma, ku hani kuthavwa kwangu kani? Kuwomba Mkoma wa Mabutho a Tiyimbi kwanu, anu vaphaxeli, mi txhipisako ditina dangu, mi txi khanu: Hi di txhipisisa kutxani ditina dako kani?

Malakiya 1:6 Referans Kwoze

Luka 6:46

“Njani mi ni dhanako mi txi khanu: ‘Mkoma, Mkoma’, kuve kha mi mahi ti ni mi gelako tona kani?

Isaya 1:2

Engisani anu tinzuma, riya tinzeve awe mafu, nguko Mkoma wa womba-womba: Ni wunjile vanana ni va kulisa, aniko vona va ni tshuralete.

Eksodha 20:12

Thava tate wako ni mame wako kasiku masiku ako ma na engetelwa ka ditiko di u nga ningwa ngu Mkoma, Txizimu txako.

1 Pedro 1:17

Ngako mi m'dhanako tito, “Tata,” ene wule a lamulako m'thu ni m'thu madingano ni mithumo yakwe, hanyani ngu txithavo yotshe mbimo ya kuhanya kwanu.

Hoseya 12:8

Se Efrayime a khene: Hambiketo, ani na ti fumisa, kambe na ti manela tithomba ta hombe; Ka yotshe mithumo yangu, kha va na mbi mana wubihi ni wawumwewo, i ku txionho.

Isaya 64:8

Kambe konkuwa, awe Mkoma, awe ngawe tate wathu; athu hi dibumba, se awe u muwumbi wathu; kambe athu hotshethu hi mthumo wa manza ako.

Vaefesu 6:2

“Thava tate wako ni mame wako, ngu txona txirumo txo khata txi ku ni txithembiso,

Mavingu 30:17

Maso ale ma poyilelako tate mwendo kutxhipisa ngu kwa mbi engisa mame, ma na xokolelwa ngu magwana a txinambwanani, se me dyiwa ngu sisondo sa digama.

Matewu 7:21

“Hi nga votshe vale va wombako kwangu va txi Mkoma, Mkoma ava va no wulela Mfumoni ka nzumani, aniko ngu wule a mahako kuranda ka Tate wangu a ku nzumani.”

Matewu 6:9

“Ngu konaho, anu mi na khongelisa tiya: Tata wathu, u ku nzumani, ditina dako di na sawulwe,

Mavingu 30:11

Ku ni liveleko li rukako tate wa lona, kambe li si dhundiko mwamwa lona.

Dhewuteronome 5:16

Thava tate wako ni mame wako, nga ti Mkoma, Txizimu txako, a nga kuleleta, kasi masiku ako ma na anda ni nawe u na kateka, ka ditiko di Mkoma, Txizimu txako, a no kuninga.

Levhi 19:3

Mmweyo ni mmweyo a na thave tate wakwe ni mame wakwe, e vekisa Masabbata tangu. Ani ngani Mkoma, Txizimu txanu!

Marku 10:19

Wa yi ziva milayo yi yi ku: ‘U nga daye, u nga mahe wugango, u nga pe, u nga lumbete, u nga dyelele, thava tate ni mame.’ ”

Matewu 19:19

thava tate wako ni mame wako; randa muakelani wako nga ti nawe u ti randisako tona.”

Hoseya 4:6

Vathu vangu va lovisilwe, ngu kule va nga pwata wuzivi; nguko awe u lambile wuzivi, se nani na kulamba, kasiku u si mahi mphaxeli masoni kwangu; akule u nga divala mlayo wa Txizimu txako, nanani ni na divala vanana vako.

Ezekhiyele 22:26

Vaphaxeli va dona va ndaka mlayo wangu, kambe va nyenyezisela siya sangu so sawuleka; hagari ka wo sawuleka ni wo nyenyeza kha ku nga ni kuhambana, hambi kuhambana ka wo sawuleka ni wa kwa mbi sawuleka; amu ka Masabbata angu, va pfhumisa maso awe, se ngu kumaha keto na nyenyeziswa hagari kwawe.

Jeremiya 23:11

“Nguko votshe vaprofeti ni vaphaxeli kha va sawuleka, hambi nyumbani kwangu ni mani wubihi wawe, kuwomba Mkoma!

Matewu 15:6

khaswi a txi kurumetwa kuvhuna tate wakwe mwendo mame wakwe.’ Ngu toneto, mi onhile Mlayo wa Txizimu, ngu sihena sanu.

Malakiya 2:8

Kambe anu mi lekile nzila, mi mahile ti to vavangi ve leka mlayo, mi onhile txitumelelano txa Levhi, kuwomba Mkoma wa Mabutho a Tiyimbi.

Luka 10:29

Aniko ene, ngu kulava ku ti maha wamnene, a to womba tiya ka Jesu: “Ngu mani muakelani wangu kani?”

Luka 6:36

Telwani ngu wunene, nga Tate wanu nene a ku ni wunene.”

Marku 7:10

Nguko Mosi a ti khene: ‘Thava tate wako ni mame wako’, ni ku khene: ‘Awu a rukako tate wakwe ni mame wakwe, a na dawe efa.’

Jeremiya 31:9

Va na wuya va txi dila, ni txi va heleketa na va txi khongela; ni na va thangela minamboni ka mati, ngu nzila yo basa, eyo va na kwa mbi huma ka yona; ngu ku ni ku tate ka Israyeli, matiwula angu ngu Efrayime.

Luka 18:20

Wa yi ziva milayo yi yi ku kha yona: ‘U nga thuke u txi geleza, u nga daye, u nga pe, u nga henyele m'thu, thava tate wako ni mame wako.’ ”

Matewu 15:4

Nguko Txizimu txi layile txi txi kha txona: ‘Thava tate wako ni mame wako’ ni tito: ‘Awu a ruketelako tate mwendo mame wakwe, a nafe ngu kudawa.’

Hoseya 5:1

Engisani tiya anu vaphaxeli, engisani anu va nyumba ya ka Israyeli, engisani anu va nyumba ya mfumeli, nguko kulamula kuwa kulumba anu, wonani taku mi mahile mlawu ka Misipa, ni likoka lo gwimbwa txitimwi ka Tabhori.

Dhewuteronome 1:31

Hambi ni txiwulani, mi ti woni ti to Mkoma, Txizimu txako, a mi belekile, nga ti m'thu a belekisako tona mwanana wakwe, ka yotshe nzila yi mi nga tsimbila ngu yona, kala mi hoka ka wuwa wukhalo.”

Masalmo 123:2

Kufana ni maso a sithumi sa vavamna ma wonetelako manza a vanyamne va sona kufana ni maso a sithumi sa vavasikati ma wonetelako manza a vahombe va sona, kufana ni toneto nanathu, maso athu ma wonetela Mkoma, Txizimu txathu, kala kuza txona txi txi hi pfela wusiwana.

Mavingu 17:6

M'bhoti wa vo kumba ngu kuwona vanana va vanana vawe; se wudhundo wa vanana ngu vatate vawe.

Isaya 43:23

Khwa ni tisela sifuyo sa sidotho sa miningelo ya kuhiswa, mwendo ku ni dhunda ngu miphaxo yako; kha na kunemetisela ngu miningelo, hambi ku ku rera ngu dibaselo.

Jeremiya 3:4

Ni konkuwa, u ngadi u txi dila kwangu, u txi khawe: “Tata, u ti ti mngana wa wuphya wangu kani?

Jeremiya 35:16

Nguko vanana va Jonadhabhe, mwana Rekabhi, va xayisile sirumo sa tate wawe, asile ene a nga va laya, aniko vathu vava kha va ni engisa,

Zefaniya 3:4

Vaprofeti va dona mba kutikulisa, kambe kha va nga ni txithavo; vaphaxeli va dona va txhipisile wukhalo wo sawuleka, va txi ndaka mlayo.

Malakiya 2:1

Se konkuwa, anu vaphaxeli, txirumo txiya txi lumba anu.

Malakiya 2:10

Ina kha hi nga ni tate mmweyo athu hotshethu kani? Kha ha vangwa ngu Txizimu tximwetxo kani? Ngu kutxani hi kanganyisana, hi onha ni txitumelelano txa vatate vathu kani?

Dhewuteronome 32:6

Nguko tontiya mi tshumetelaka ngu tona ka Mkoma, anu vathu va wupumbu ni kwa mbi ziva, kani? Ina hi nga ene Tate wako, ni m'vangi wako kani? Ene apune a kumahile a txi ku emisa!

Isaya 45:10

Dikhombo ka wule a ku khene ka tate wakwe: U velekile txani kani? Se ka wamsikati a txi khene: U hefemulete txani kani?

Isaya 64:7

Se kha ku na m'thu wu a dhanako ditina dako, wu a wukako e namarela kwako; nguko u hi sisete khohe yako, se u hi leka hi lova ngu mhaka ya wubihi wathu.

Malakiya 3:5

Se ni nata hafuhi kwanu, ku ta mi lamula, kambe ni na va fakazi ya livilo yo lwa ni valoyi, ni kuwukela vale va mahako wugango, ni vale va xambanyako ta makuhu, ni vale va kanganyisako mthumi, ve honyola madingano a tinoni, ni vo felwa ngu vaveleki, ni vawuyi, kambe kha va ni thavi, kuwomba Mkoma wa Mabutho a Tiyimbi.