Malakiya 1:5 - Bhiblia Yo Sawuleka

⁵ Maso anu ma na ti wona, se mi na khanu: Mkoma a na kuliswe, kukhukhela mihinganoni ka Israyeli.

Malakiya 1:5 Referans Kwoze

Dhewuteronome 11:7

Maso anu ma woni yotshe mithumo ya hombe ayi Mkoma a nga yi maha.

Ezekhiyele 38:16

Se u na wukela vathu vangu va ka Israyeli, kufana ni direfu, di txi fenengeta ditiko; ngu magwito ka masiku, ku na maheka taku ni txi kutisa u ta wukela ditiko dangu, kasi ku matiko ma txi na ni ziva, mbimo yi ni no va ni di sawulekisile maso ako, awe Goge.

2 Makronika 29:8

Se kuhenya ka Mkoma kutota ka va ka Judha ni Jerusalema, e va ningela ka pfilu-pfilu, ka kuhoxotwa, ni txisekiso, nga ti anu mi ti wonako ngu maso anu.

1 Samuwele 12:16

Konkuwa emani nanu hawa mi wona mhaka yiya ya hombe, yi Mkoma a no yi maha masoni kwanu.

Mika 5:4

Se ene a na zumba ni kudyisa vathu ngu mtamo wa Mkoma, ka ditina do tshura da Mkoma, Txizimu txakwe; se vona va na zumba, nguko konkuwa ngene a no kuliswa, kala magwito ka mafu.

Ezekhiyele 38:23

Ngu kumaha keto, ni na ti kulisa, ni txi ti sawulekisa, ni na ti zivanekisa masoni ka matiko amangi; se va na tiziva taku ani ngani Mkoma.

Joxuwa 24:7

Se va to dila ka Mkoma, ene a to veka mtema hagari kwanu ni Vaegipta, e wuyisa linene txitimwi kwawe li va mita. Anu mipune mi ti woni ngu maso anu, ati ani ni nga maha Egipta. Msana keto, mi zumbile txiwulani masiku amangi.

Dhewuteronome 4:3

Maso anu ma ti woni, tile Mkoma a nga maha ngu Bhahali-Peyori; Mkoma, Txizimu txako, a lovisile hagari kwanu, votshe vale va nga londetela milayo ya Bhahali-Peyori.

Ezekhiyele 39:9

Se vazumbi va madhoropa a ka Israyeli va na huma, va na hisa otshe matxhari ni sitxhavangu, ni malaho, ni tingove, ni tindonga ta manzani, ni miseve; va na turisa mndilo ngu sona, amu ka mtxhanu wa malembe ni mambidi.