Malakiya 1:4 - Bhiblia Yo Sawuleka

⁴ Hambi ku ngako Edhomi a txo womba a txi khene: Hi mahilwe sisiwana, ngu mhaka yeto, hi na tshumela hi aka marumbini, a womba tiya Mkoma wa Mabutho a Tiyimbi: Vona va na aka, aniko ani ni na hoxota, se va na va dhana ku Ditiko da Wubihi, ni Vathu vale Mkoma a nga va henyela ngu ha ku si gwitiko.

Malakiya 1:4 Referans Kwoze

Ezekhiyele 25:14

Se ni na phota txitimwi ka Edhomi, ngu dianza da vathu vangu va Israyeli; vona va na maha ka Edhomi madingano ni kuhenya kwangu, ni madingano ni txiviti txangu; se va ka Edhomi va na ziva kuphota kwangu, kuwomba Mkoma.

Ezekhiyele 35:9

Ni na kumaha dirumbi da yotshe mbimo, kambe madhoropani kwako kha ku na mbiswa kuve ni vo zumba; ngu kumaha keto, mi na tiziva taku ani ngani Mkoma.

Jeremiya 31:17

Kuthemba kuho kwako ngu mbimo yi yitako, ka liveleko lako, kuwomba Mkoma, nguko vanana vako va na wuyela ditikoni kwawe.

Isaya 34:10

Hambi ni wusiku mwendo ni mitshikari kha wu na mbi timeka; wutshi wa kona wu na kwelela yotshe mbimo; wu na omiswa ka liveleko ni liveleko, kambe ka dizana ni dizana kha ku na mbi pinda m'thu ni wammweyo ngu kona.

Isaya 34:5

Nguko ditxhari dangu di levile nzumani; wona taku di na wela txitimwi ka Edhomi, ni txitimwi ka vathu vangu, vo ruketelwa, kasi kuya lamula.

Isaya 11:14

Aniko va na purumela makatani ka Vafilista, ngu Mswa-ditambo; va na handa kumweko vanana va Wutxani; ve ñola Vaedhomi ni Vamowabhi, se vanana va Amoni va na va engisa.

Malakiya 1:3

ni nyenya Esawu; mimango yakwe ni yi mahile marumbi, aniko ni ningete thomba yakwe ka maxolwa a txiwulani.

Amosi 6:2

Pindani ngu Kalini mi wona, ngu niya, tsulani ka Hamati wa hombe; mi gwita mi relela mi ya Gati ka Vafilista: Mi nava vatxhuko kupinda mifumo yiya kani? Mwendo i nava ya hombe mihingano yakwe kupinda mihingano yanu kani?

Ezekhiyele 11:10

Mi na wiswa ngu ditxhari; ni na mi lamula mihinganoni ka Israyeli, se mi na tiziva taku ani ngani Mkoma.

Sidilo 3:37

I mani wule a nga wombako ti txi maheka kani? Ngako i si nga Mkoma a wombako kani?

Isaya 10:4

Mi na sikota kunama hagari ka vale va nga ñolwa, mwendo kuwa hagari ka sirumbi sile si nga dawa kani? Hambi keto txiviti txakwe kha txa guma, aniko dianza dakwe di ngadi nawulutilwe.

Mavingu 21:30

Kha ku nga ni wutxhari, hambi kupfisisa, ni sileleto, kasi kuwukela Mkoma.

Masalmo 137:7

Alakanya, Mkoma, ati va nga maha vathu va Edhomi, ditshiku diya Jerusalema a nga welwa ngu dikhombo: Vona va huwelete va txi kha vona: “Khundumuselani, Khundumuselani didhoropa diya, kala makhatoni ka dona!”

Masalmo 127:1

Ngako Mkoma asi aki nyumba, vo thuma walo ava va yi akako. Ngako Mkoma asi woneleli didhoropa, vo pileka walo ava va di wonelelako.

Jobe 34:29

Se ngako Txizimu txi txi malala i mani wa ku txi sola kani? Ngako txi txi ti tsiva khohe, i mani waku a nga txi wona, ka vathu votala, hambi ka m'thu mmweyo kani?

Jobe 12:14

Wona taku txi txi khundumusa, kha ku aketwi; ni ka wule txi mtsivelako kha ku na mbi tulwa.

Jobe 9:4

Txizimu txi ni wutxhari mbiluni, txona i nyamitamo ngutu; i mani a nga ti bangisa ka txona, e mana kuthutha kani?

Matewu 12:30

Awu asi emiko ni nani, walwa ni nani; ani wu asi sengeletiko ni nani, wa hangalasa.”

Jeremiya 5:17

Vona va na dya siyalo sako ni dipawu dako; va na daya vafana vako ni sihoranana sako; va na dayela tinvuta tako ni tihomu tako, va na dya mivhina yako ni mixanvu yako. Madhoropa ako a mikhokhola awa u ma thembako, va na ma lovisa ngu ditxhari.

Jeremiya 49:8

Pfhukani, wuyani, zumbani kusisalani, anu mi zumbako Dhedhani, nguko ni wuyisile kwakwe dirumbi da Esawu, mbimo yile ni nga mu endela.

Jeremiya 49:20

Ngu toneto, pfanani sileleto sa Mkoma, asi ene a nga si emisela Edhomi; ni kuxuva kwakwe ngu vaaki va Temani: Ngu ditshuri ava vavadotho hagari ka tinvuta va na ndindwandindwa. Ngu ditshuri ku na fuviswa tinyumba tawe.

Ezekhiyele 25:13

ngu tona eto, Mkoma Txizimu a khene: Ni na nawuluta dianza do wukela Edhomi, kambe ni na dayela kwakwe vathu ni sihari; kambe ni na di maha txiwula, kukhukhela Temani kala Dhedhani, va na dawa ngu ditxhari.

Ezekhiyele 26:14

Kambe ni na kumaha dirigwi da kwa mbi keleka; u na va wukhalo wule ku no omisela kona tikoka, khu na mbiswa u txi aketetwa kambe; nguko ani Mkoma ni wombile, kuwomba Mkoma Txizimu.

Ezekhiyele 35:4

Madhoropa ako ma nava ni txiwunda, kambe awe u na maha dirumbi; se u na tiziva taku ani ngani Mkoma.

Amosi 3:15

Ni na hoxota nyumba ya mbimo ya malanga ni nyumba ya mbimo ya wuxika; se tinyumba to tshuriswa ngu makwasa a tinzofu ti na lova, tinyumba ta hombe ti nava ni magwito, kuwomba Mkoma.

Amosi 5:11

Ngu koneho a ku mi kandako txisiwana, ka txona mi lava nduwo ya fulaho, mi na aka tinyumba ngu marigwi o vatwa, kambe kha mi na mba zumba ka tona: Mi na phaya mivhinya yo tsakisa, kambe mi na mbi sela vhinya ya kona.

Amosi 6:11

Wonani taku Mkoma wa ruma, m'ti wa hombe wu na khundumuselwa, se m'ti wa wudotho wu na bhandekela.

Obhadhiya 1:1

Txiwoniso txa Obhadhiya: Mkoma Txizimu a womba tiya madingano ni Edhomi: Hi pfite txhumayelo ya Mkoma, ni ku kurumetwe txirumwa ka matiko, kuya womba tiya: “Khukhani, hi khukhela kulwa ni Edhomi.”

Obhadhiya 1:10

Ngu mhaka ya ku u nga lwiswa mwananu Jakobe, u na fenengetwa ngu pfilu-pfilu, se u na fuviswa do gwita.

Masalmo 33:10

Mkoma wa vhinganyisa makungo a matiko; ene wa va thindekisa kumaha makungo awe.

Jeremiya 49:7

Txisolo xungetano ni Edhomi. Mkoma wa Mabutho a Tiyimbi a womba tiya: Ku ngava ku si ngadi ni wutxhari Temani kani? Ina si lovile silayelo sa titxhari kani? Wu bhirete wutxhari wawe kani?

Amosi 1:11

Mkoma a womba tiya: Ngu kuhambunyeta kuraru ka Edhomi ni ka wumune, kha ni na mbi thavisa txitsayiso, nguko a tutumisile ndiyakwe ngu ditxhari, kambe a thavisile wotshe wumbilu; ni ku mtshatulela ngu txiviti ngu ha ku si gwitiko, e xayisa kuhenya kwakwe ngu ha ku si gwitiko.