Malakiya 1:2 - Bhiblia Yo Sawuleka

² Ani ni mi randile, kuwomba Mkoma: Aniko anu mi khanu: U komba ngu txani ti to u hi randile kani? Ina Esawu hi nga mwanawe wa Jakobe kani? Kuwomba Mkoma; hambi keto ni randile Jakobe,

Malakiya 1:2 Referans Kwoze

Jeremiya 31:3

Mkoma a wonekile kwangu ngu kule, a txi khene: Ni ku randile ngu lirando li li si gwitelwiko; na ku xayisela wuxinji wangu.

Dhewuteronome 10:15

Aniko Mkoma a ti ningetete dwe ka vatate vako, a txi va randa! Se msana kwawe a to sawula liveleko lawe, i ku anu ngu wutumbu, hagari ka votshe vathu, nga ti ni nyamsi ti wonekako.

Dhewuteronome 4:37

Nga ti a nga txi va randa vatate vako, e sawula liveleko lawe, msana kwawe, ene apune, a ku humisile Egipta ngu wutumbu wakwe ni mtamo wakwe wa hombe.

Malakiya 2:17

Mi rerile Mkoma ngu mawombawombelo anu; kambe mi ngadi mi txi khanu: Hi rerile ngu txani kani? Ka ti mi wombako mi txi khanu: Ni wuhi a mahako to biha, a lulamile masoni ka Mkoma, se evo nguvo ene a tsakako ngu vona; Mwendo txi hayi Txizimu txa wululamo kani?

Jeremiya 2:31

Anu va liveleko liya, engisani dipswi da Mkoma! Ina mwendo ani ni khala ku va txiwula ka Israyeli kani? Mwendo kuve ditiko da txidema kani? Ngu kutxani vathu vangu va txi: Hi txhusekile; kha hi na mbiswa hi txita kwako kani?

Jeremiya 2:5

Mkoma a khene: Mbubihi muni va nga wu wona kwangu vatate vanu kani? Aku va dhawukanako ni nani kani? Va londetela sifananiso si si vhuniko txilo, ve maneka va si nyawuli.

Isaya 43:4

Ngako u nga randeka masoni kwangu, kambe u dhundekile, se ani ni ku randile, niza ni ningela vathu ngu mhaka yako, ni ningela matiko kasi ku kuhanyisa.

Genesisi 48:4

txi txi ni gela tiya: Ani ni na maha ti to u txi anda, ngu ngawe ani ni na tumbulukisa tihunzu ta tingi ta vathu, ditiko diya ni na di ningela ka liveleko lako, di txi va thomba ya lona kala kupinduka.

Genesisi 27:33

Sekoko Isaake a to dhudhumela ngu kuhenya ka hombe ngutu, a txi khene: “I mani koko wule a nga xota nyama a txi ta ni ninga kani? Ani ni dyite sotshe na u sanzi kubwaka, se ni mkatekisile, kambe a na va a di katekile.”

Genesisi 25:23

se Mkoma a to mxamula a txi khene: “Mndani kwako ku ni matiko mambidi, se tihunzu timbidi ti na abaneka mndani kwako: Lihunzu limwelo li nava ni mtamo kupinda limwani, mkoma wa kona a na khoziswa ngu mnada wakwe.”

Luka 10:29

Aniko ene, ngu kulava ku ti maha wamnene, a to womba tiya ka Jesu: “Ngu mani muakelani wangu kani?”

Johani 15:12

Mlayo wangu ngu wuwa: Randanani, nga ti ani ni nga mi randisa tona.

Dhewuteronome 23:5

Aniko Mkoma, Txizimu txako, kha ti lava kuengisa Bhalahamu; kambe Mkoma, Txizimu txako, a to phemberusa txiruko txi maha txikatekiso, nguko Mkoma, Txizimu txako, a txi kuranda.

Dhewuteronome 33:3

Ene wa randa vathu vakwe, votshe vasawuleki vakwe va manzani kwakwe; vona va khizama mikondoni kwako, va txi engisela mapswi ako.

Isaya 63:1

I mani wuwa a tako ngu Edhomi, ka Bhozira, ni syambalo so bhilivila kani? Awu syambalo sakwe i ku so dhundeka, a tsimbilako ngu mtamo wakwe wa hombe kani? Ani ni wombawombako ngu kululama, ni mtamo ngutu kasi kuhanyisa.

Amosi 1:11

Mkoma a womba tiya: Ngu kuhambunyeta kuraru ka Edhomi ni ka wumune, kha ni na mbi thavisa txitsayiso, nguko a tutumisile ndiyakwe ngu ditxhari, kambe a thavisile wotshe wumbilu; ni ku mtshatulela ngu txiviti ngu ha ku si gwitiko, e xayisa kuhenya kwakwe ngu ha ku si gwitiko.

Genesisi 25:25

A to velekwa wo khata: I ti wo bhilivila, kambe a ti ti ni mapfhepfheleti o nga matoya a didhamba, va to mraya ditina daku i Esawu.

Genesisi 25:26

Ngu msana a to huma mnanda wakwe, dianza dakwe di ti ñote txizenende txa Esawu, e raywa ditina daku i Jakobe. Isaake a ti ti ni tanga ya mtxhanu wa magumi ni digumi dimwedo a malembe, mbimo yi Rebheka a nga veleka vanana.

1 Vafumeli 10:9

A na Bongwe Mkoma Txizimu txako, a nga mana kutsakiswa ngu ngawe, kasi e kuveka ha txituluni ka wukoma ka Israyeli; nguko Mkoma wa randa Israyeli yotshe mbimo; ngu mhaka yeto, a kumahile mfumeli, kasi uva ni kupimisa ni wululamo.

2 Vafumeli 3:8

Se ene a nje khene hi na kwelela ngu yihi nzila kani? Ene koko a nje khene: Hi na tsula ngu nzila ya txiwulani ka Edhomi.