Malakiya 1:14 - Bhiblia Yo Sawuleka

¹⁴ Sekoko a na rukwe mkanganyisi wule waku, a di ni txihari ka mtxhambi wakwe, wa thembisa, kambe e ningela ka Mkoma tximaha txo soleka; nguko ani ngani Mfumeli wa hombe, kuwomba Mkoma wa Mabutho a Tiyimbi, ditina dangu di na maha do thisa hagari ka matiko.

Malakiya 1:14 Referans Kwoze

2 Vakorinto 8:12

Nguko, ngako ku diho kuxuva kuhumisa misengo, sa amukeleka asi m'thu a ku naso; kha ku nga ni mhaka ya si a ku si nga naso.

Malakiya 1:8

Nguko mi txi tisa txihari txi i ku dibhofu, kasi ku ta phaxa ngu txona, kha ta biha! Ni ku ngako mi txi ningela txo limala, mwendo txo lwala, kha ta biha! Se u txi txi ningela ka mthangeli wako, a na kutsakela kani? Ni ku mwendo a na kuamukela kani? Kuwomba Mkoma wa Mabutho a Tiyimbi.

Mtuletelo 21:8

Kambe ka va va dizowa, vo mbi kholwa, vo dhunda manyala, va dayi va vathu, magelegele, va matiloti ni votshe va lumbeti, vakhozeli va si i ku si nga Txizimu, ni ka votshe va makuhu, txyavelo txawe ngu kuvinzwa txizivani ka mndilo wo tura ngu txivavula, i ku lona lifo la wumbidi.”

Luka 12:46

Nyamne wa txona a nata ngu ditshiku do mbi ziviswa ni txikhati txo mbi ziwa, ene a nata txi tsayisa ngu mtamo e txi veka kumweko ni vale vo mbi thembeka.”

Malakiya 1:11

Se kukhukhela wutxani, kala mswa-ditambo, ditina dangu di na va da hombe hagari ka matiko, aniko ka otshe makhalo, ku na ningelwa dibaselo ni mphaxo wo sawuleka ditinani kwangu; nguko ditina dangu di na va da hombe hagari ka matiko, kuwomba Mkoma wa Mabutho a Tiyimbi.

Zakariya 14:9

Se Mkoma a na maha mfumeli txitimwi ka otshe mafu, ka ditshiku donedo, mmwani a na va Mkoma, se mmwani a na va ditina dakwe.

Jeremiya 10:10

Aniko Mkoma Txizimu txa ditshuri, Txizimu txi txi hanyako, Mfumeli wa kupindukela; mafu ma dhudhumela kuhenyani kwakwe, matiko kha ma na kuema masoni ka txiviti txakwe.

Masalmo 76:12

Txona txa thavisa mtamo ka vakoma txi thela dizowa ka vafumeli va ha mafuni.

Masalmo 47:2

Nguko Mkoma Nyatxitimwi mbwa kuthisa; ngene Mfumeli wa hombe wa mafu otshe.

Mtuletelo 15:4

Mkoma, i mani a no mbi thava ni kupfalisa ditina dako, kani? Ina! Ngawe dwe u ku msawuleki! Yotshe mifumo yi nata khizama masoni kwako, nguko mithumo yako ya kululama yi ha kubasani.”

Vahebheru 12:29

Nguko, Txizimu txathu, i mndilo wu wu hisako.

1 Timoti 6:15

akuwa ku nota kombisa, ka timbimo ti ti nga emiswa, ene nyamne wo dhumiseka ni wammweyo ekha, Mfumeli wa vafumeli, Mkoma wa vakoma;

Dhaniyeli 9:4

Se ni to khongela ka Mkoma, Txizimu txangu, ni ti tshanza, ni txi khani: Yowe! Mkoma! Txizimu txa hombe, txo thaviseka, awe u xayisako txitumelelano ni wumbilu, ka vale va kurandako, va xayisako sirumo sakwe;

Dhaniyeli 4:37

Se konkuwa koko, ani Nebhukodhonosori, na bonga, na guleta ni kudhumisa Mfumeli wa nzumani; nguko mithumo yakwe yotshe di ditshuri, ni tinzila takwe do lulama, kambe wa sikota kuveka hahatshi a vale va tikulisako.

Jeremiya 48:10

A ruketetwe wule a mahako mthumo wa Mkoma ngu wukanganyisi! A ruketetwe nene wule asi lekiko kutheketa mnoha ngu ditxhari.

Isaya 57:15

Nguko a womba tona eto Nyatxitimwi, wa Kuthaviseka, a zumbako kupindukani, eyo ditina dakwe i ku Kusawuleka: Ni zumba ka wukhalo wo guleka ni kusawuleka, kumweko ni kuxaniseka, ni kukarateka moyani, kasi kuwusa moya wa vale vo karateka, ni kuwusa timbilu ta vaxaniseki.

Dhewuteronome 28:58

Ngako u si khatali ngu kuvekisa otshe mapswi a mlayo wuwa, aawa ma nga bhalwa ka dibhuku diya, ni kuthava ditina diya da wudhumo ni kuthisa, da Mkoma, Txizimu txako,

Genesisi 27:12

“Yimwani mbimo tate ana ni mbumbutela, a txi tiziva ti to ni mkanganyisile; se ni na ti tisela txiruko, ha wukhaloni ka kumana txikatekiso.”

Marku 14:8

Ene a mahile ati a nga ti kota; a songolete kutotela mafura mmidi wangu kasi ku wu longisela kuya tshotshwa.

Matewu 24:51

Ene a nata txi tsayisa ngutu, a nata txi yisa ka wukhalo wa vaxengeteli; konaho ku nava ni tihuwa ni kugegeresela ka makwasa.”

Matewu 5:35

Mi nga xambanyeni ngu mafu, nguko njikhigetelo txa mikondo yakwe. Mi nga xambanyeni ngu Jerusalema, nguko ndidhoropa da mfumeli wa hombe.

Malakiya 3:9

I di kuruketelwa mi ruketetwe, nguko ma ni pela, anu motshenu va ditiko diya.

Masalmo 95:3

Nguko Mkoma Njzimu txa hombe, kambe Mfumeli wa hombe txitimwi ka sotshe sizimu.

Masalmo 68:35

Txizimu txa thaviseka txiluveloni ka txona ko sawuleka, Txizimu txa ka Israyeli txi ningako mtamo ni wukoma ka vathu va txona! Txi na dhumiswe Txizimu!

Masalmo 48:2

Siyoni, mmango wo tshura ngutu kupinda yotshe mimango, litsako la mafu otshe, ngu wona mmango wa ditshuri wa Txizimu.

2 Samuwele 24:24

Kambe mfumeli a to khene ka Arawuna: Ahim-him, ni lava kuxava kwako ngu male, nguko kha ni na mbi ningela Mkoma, Txizimu txangu, miphaxo ya kuhiswa yi ni nga yi mana walo. Ngu kumaha keto, Dhavhidha a to xava txizenda ni tihomu ngu mtxhanu wa magumi a maxekele a silivhela.

Jeremiya 46:18

Na xambanya ngu kuhanya kwangu, kuwomba Mkoma, awu i ku Mkoma wa Mabutho a Tiyimbi, awuwa ngu ditshuri nga Tabhori hagari ka mimango, ni ku nga Karmeli hafuhi ni linene, a na tisa ku nga toneto.

Jeremiya 48:15

Mowabhi a hasamutwe kumweko ni madhoropa akwe, majaha akwe ma tsulisilwe kudawani, a womba eto Mkoma, awu ditina dakwe i ku Mkoma wa Mabutho a Tiyimbi.

Zefaniya 2:11

Mkoma a na va karata ngutu, nguko a na hoxota sotshe sizimu sa mafu; se votshe va nata mkhozela, mmwani ni mmwani a txi khukhela ka wukhalo wakwe, ka sotshe sitondolo sa matiko.

Malakiya 2:1

Se konkuwa, anu vaphaxeli, txirumo txiya txi lumba anu.

Masalmo 47:3

Mkoma a khozisile vamatiko, e va veka hahatshi ka mfumo wathu a txi nonisa mifumo hahatshi ka mikondo yathu.

Masalmo 47:8

Txizimu txa fuma txitimwi ka votshe vathu, Txizimu txi khalahatshile ha txikhaloni ka wukoma.

Masalmo 102:16

ngako Mkoma a txi aketa Siyoni a txi ti wonekisa ni wudhumo wakwe;