Malakiya 1:11 - Bhiblia Yo Sawuleka

¹¹ Se kukhukhela wutxani, kala mswa-ditambo, ditina dangu di na va da hombe hagari ka matiko, aniko ka otshe makhalo, ku na ningelwa dibaselo ni mphaxo wo sawuleka ditinani kwangu; nguko ditina dangu di na va da hombe hagari ka matiko, kuwomba Mkoma wa Mabutho a Tiyimbi.

Malakiya 1:11 Referans Kwoze

Isaya 54:5

Nguko M'vangi wako i mwamna wako; ditina dakwe Mkoma wa Mabutho a Tiyimbi; se Msawuleki wa Israyeli, ngene mtiruli wako; ene a na dhanwa ku Txizimu txa otshe mafu.

Isaya 45:6

Kasi ku ti na ziwa kukhukhela wutxani, ni kukhukhela mswa-ditambo, tito, hahanze kwangu kha ku na mmwani; ani ngani Mkoma, se kha ku na mmwani.

Mtuletelo 5:8

Mbimo yi Txinvutana txi nga amukela dibhuku, sivanga so hanya sa mune ni madhota a magumi mambidi ni mune va to nama masoni ka Txinvutana, dimwedo ni dimwedo di di ni harpa ni siyana so mahwa ngu nzalama, si di tate ngu dibaselo, i ku mikombelo ya vasawuleki,

Matewu 28:19

Ngu toneto, tsulani mi txi ya phindula vamatiko votshe, ve maha vagondiswa vangu, mi va bhabhatisa ngu ditina da Tate, ni da Mwanana, ni da Moya wo Sawuleka,

Zakariya 8:7

A womba tiya Mkoma wa Mabutho a Tiyimbi: Wona taku ni na hanyisa vathu vangu, va ditiko da Wutxani ni va ditiko da mswa ditambo;

Masalmo 50:1

Txizimu txa mtamo wotshe, Mkoma a wombile; a rambile vaaki va ha mafuni kukhukhela wutxani kala mswa-ditambo.

Mtuletelo 11:15

Se ngelozi ya wutxhanu ni timbidi yi to veta mpundu wa yona. Konako ku to pfala mapswi a mtamo nzumani, ma txi kha ona: “Mfumo wa mafu konkuwa wu lumba Mkoma wathu ni Kristu wakwe, se ene a na fuma ngu ha ku si gumiko.”

Masalmo 141:2

Mkombelo wangu wu na fane ni dibaselo di di hiswako masoni kwako ni kuguletwa ka manza angu ku na fane ni mhamba ya minova.

Masalmo 67:2

kasiku ha mafuni ti txi ziwa tinzila tako ni ka yotshe mifumo ku txi ziwa kuhanyisa kwako.

Mtuletelo 15:4

Mkoma, i mani a no mbi thava ni kupfalisa ditina dako, kani? Ina! Ngawe dwe u ku msawuleki! Yotshe mifumo yi nata khizama masoni kwako, nguko mithumo yako ya kululama yi ha kubasani.”

1 Timoti 2:8

Ngu toneto, ni lava ti to votshe vathu ve khongela ka otshe makhalo, ve guleta manza o sawuleka, va si nga ni txiviti mwendo mazunga,

Vafilipiya 4:18

Ngu toneto, sotshe ni naso, so tala si sala. Ni taletwe ngu ku ni nga amukela manzani ka Epafrodhito asi mi nga ni rumela, matolo o bhumula ta tinene, mhamba yo amukeleka ni kutsakisa Txizimu.

Varoma 15:16

yo ni maha txithumi txa Jesu Kristu hagari ka vamatiko, ani ni nga sawulwa ni txi mahwa mthumeli wa Evhangeli ya Txizimu, kasiku vamatiko ve va i di mningelo wa kutsakisa Txizimu, na wu di basisilwe ngu Moya wo Sawuleka.

Varoma 12:1

Na mi khongotela koko vanathu ngu wumbilu wa Txizimu, ti to mi ningela mimidi yanu, yi maha mhamba ya kuhanya ni ya kusawuleka, ayi yi tsakisako Txizimu, i kuwona mphaxo wu wu lavekako.

Luka 1:10

Dotshe dibutho di ti ti khongela, di di hahanze ngu mbimo ya dibaselo.

Malakiya 1:14

Sekoko a na rukwe mkanganyisi wule waku, a di ni txihari ka mtxhambi wakwe, wa thembisa, kambe e ningela ka Mkoma tximaha txo soleka; nguko ani ngani Mfumeli wa hombe, kuwomba Mkoma wa Mabutho a Tiyimbi, ditina dangu di na maha do thisa hagari ka matiko.

Zefaniya 3:9

Sekoko ni na sawulekisa sisofu sa vathu, kasiku votshe va txi khongela ditina da Mkoma, ve mthumela ngu moya wumwewo.

Zefaniya 2:11

Mkoma a na va karata ngutu, nguko a na hoxota sotshe sizimu sa mafu; se votshe va nata mkhozela, mmwani ni mmwani a txi khukhela ka wukhalo wakwe, ka sotshe sitondolo sa matiko.

Mika 5:4

Se ene a na zumba ni kudyisa vathu ngu mtamo wa Mkoma, ka ditina do tshura da Mkoma, Txizimu txakwe; se vona va na zumba, nguko konkuwa ngene a no kuliswa, kala magwito ka mafu.

Amosi 9:12

kasi kuve mana asi si nga sala ka ditiko da Edhomi, ni otshe matiko ale ma dhanwako ngu ditina dangu, kuwomba Mkoma, a mahako timhaka tiya.

Isaya 59:19

Sekoko va na thava ditina da Mkoma kukhukhela Mswa-ditambo, ni wudhumo wakwe khukhela Muhuma-ditambo; mlala a nata kufana ni kukhulunga ka mati, Moya wa Mkoma wu na mu wukela ni m'jeke wakwe.

Masalmo 113:3

A na dhumiswe Mkoma, kukhukhela wutxani kala mswa-ditambo!

Matewu 8:11

Aniko na womba kwanu, ni khani; mbavangi va nota ngu wutxani ni mswa-ditambo, va ta zumba ha sakudyani ni Abrahamu ni Isaake ni Jakobe Mfumoni ka nzumani.

2 Vatesalonika 1:12

Ngu nzileyo, ditina da Mkoma wathu Jesu Kristu di na dhumiswa kwanu, na nanu mi na dhumiswa, madingano ni kateko ya Txizimu txathu, ni ya Mkoma Jesu Kristu.

Mitengo 7:74

ni dijingo da nzalama, adi kunemela ka dona i ku ka digumi da maxekele, do tala ngu dibaselo;

Masalmo 45:17

Ni na maha ti to ditina dako di alakanywa ka liveleko ni liveleko; ngu kumaha keto, vathu va na kudhumisa ngu ha ku si gwitiko.

Masalmo 48:10

Nduma yako, awe Txizimu, yi hangalakile ni otshe mafu votshe va kukhozela; ngu mtamo wako, u maha kululama ni kudikha.

Masalmo 111:9

Ene a thusile vathu vakwe e maha navo txitumelelano txo mbina magwito. Txizimu txi sawulekile, txi ni mtamo!

Isaya 12:4

Se ka ditshiku donedo, mi na khanu: Bongani Mkoma, mi pfalisa ditina dakwe, gelani vathu simaho sakwe, embelelani ti to ditina dakwe di txitimwi ngutu.

Isaya 12:5

Embelelani ka Mkoma, nguko a mahile simaha sa hombe ngutu; ti na zivaneke tiya, kotshe ha mafuni.

Isaya 66:18

nguko na ziva mithumo yawe ni myalakanyo yawe! Mbimo yata, yile ni no sengeleta otshe matiko ni tidimi; va nata ve ta wona wudhumo wangu.

Jeremiya 10:6

Khangaho a fananako ni nawe, awe Mkoma; u wa hombe, ditina dako ndahombe ngutu.

Jeremiya 10:7

Awe Mfumeli wa matiko, i mani asi ku thaviko kani? U fanete kuthavwa, nguko hagari ka totshe titxhari ta vamatiko, ni ka mifumo yawe yotshe, lambi, khangaho wu a fananako ni nawe.

Dhaniyeli 2:45

Nga tile u nga wonisa tona taku ngu mmangoni ku witwe dirigwi, na ku si woneki dianza, ni ku dona di balisete simbi, koporo, dibumba, silivhela ni nzalama, Txizimu txa hombe txi zivisile ka mfumeli a ti ti no maheka msana keto; se mloro wuwa wu tsani, ni txhamuselo ya wona yi thembekile.

1 Makronika 16:25

Nguko Mkoma mbwa hombe; a fanela kudhumiswa ngutu, wa thaviseka kupinda sotshe sizimu.

Masalmo 48:11

Wu na tsake mmango wa Siyoni! Ma na tsake madhoropa a Judha, nguko kulamula kwako Mkoma ngo lulama!

Masalmo 65:9

Awe wa xayisa ditiko, u txi di rumela txyandela u txi di ninga kunona ni kupfuna. Wa tata minambo yi txi khulunga se u txi nonisa tithembwe ta fulaho, nguko mafu u ma mahete toneto.

Masalmo 86:9

Mkoma, awe u mahile mifumo yotshe, se yona mifumo ya ta masoni kwako yi ta dhumisa ditina dako.

Masalmo 96:8

Vekelani Mkoma txithavo txi txi fanelako ditina dakwe; wuyisani miningelo, mi ta luva siluveloni kwakwe!

Masalmo 138:5

Kambe va na embelela tinzilani ka Mkoma, nguko wudhumo wa Mkoma mbwa hombe.

Isaya 19:21

Kambe Mkoma a na ti kombekisa ka Egipta, se Vaegipta va na ziva Mkoma, ka ditshiku dile; ina, vona va na mkhozela ngu miphaxo ni miningelo, ve maha sixambanyo ka Mkoma, ni ku si vekisa.

Isaya 30:27

Wonani taku, ditina da Mkoma dita ngu kule, di txi tura ngu txiviti txakwe, di hangalasa wutshi wo phuma; txisofu txakwe txi tate ngu kuhenya, ni lidimi lakwe li fana ni mndilo wo tshokomisa;

Jeremiya 4:2

Se u na xambanya, u txi khawe: Mkoma a hanyako, ngu ditshuri, ka kulamula ni ka wululamo; matiko ma na ti katekisa ngu ngene, ni kutikulisa ngu ngene.”

Malakiya 3:3

Se a na khalahatshi e nyivilikisa ni kubasisa silivhela, kambe a na basisa vanana va ka Levhi, ni ku va nyivilikisa va txi nga nzalama, ni silivhela; sekoko, va na tisa miningelo ka Mkoma ngu kululama.