Luka 9:7 - Bhiblia Yo Sawuleka

⁷ Mfumeli Herodha a to pfa totshe ti ti nga mahwa ngu Jesu, se a txi kanganyiseka ngutu, nguko vamwani va ti ti kha vona: “I Johani a nga wuka ngu ka vakufa.”

Luka 9:7 Referans Kwoze

Luka 9:19

“Vathu va kha vona ngani mani kani?” Vona va to xamula va txi kha vona: “Va u Johani Mubhabhatisi, se vamwani va kha vona u Elija, vamwani kambe va kha vona u mmweyo wa vaprofeti, a nga wuka ngu ka vakufa.”

Luka 3:1

Ngu dilembe da wugumi ni mtxhanu da kufuma ka Tibheriyo Khezari, na Ponsio Pilato i di mfumeli wa Judheya, Herodha i di mfumeli wa Galileya, Filipi mnanda wakwe i di mfumeli wa Itureya, ni wa ditiko da Trakonita, Lisaniya i di mfumeli wa Abhileni;

Mika 7:4

Wa txukwana kwawe a fana ni mpa; wo lulama a pinda ni mndonga wa mipa; di tshuketile ditshiku da kutsayiswa ka vawoneleli vako, kutile kuendelwa kwako; konkuwa ku nava ni pfilu-pfilu.

Isaya 22:5

Nguko ditshiku da xomulo, ni da tingana, ni da pfilu-pfilu, ngu dona diya da kuta ngu ka Mkoma, Txizimu txa Tiyimbi, mkovani ka Txiwoniso: Kukhundumuswa ka maguma, ni huwa yo hoka ni mimangoni.

Masalmo 73:19

Ngu txidhukisa va na fuviswa! Votshe va na guma ngu kuthava!

Luka 21:25

“Ku nava ku di ni sikombiso ha ditamboni, ha mtximani ni tinyeletini. Ha mafuni ku na vaho kuxaniseka ka matiko ngu kuthava diguwa da kudhuma ka mavimbi ni linene.

Matewu 11:2

Se ngako Johani a di engisile mu ku khotelwani kwakwe, ta mithumo ya Kristu, a to rumela vagondiswa vakwe kuya wotisa kwakwe va txi kha vona:

Marku 8:28

Se vona va to angula va txi kha vona: “Va kha vona u Johani Mubhabhatisi, vamwani va u Elija, vamwani kambe va kha vona u mmweyo wa vaprofeti.” Se ene a txi engeta a txi va wotisa a txi khene:

Luka 13:31

Ka yoneyo mbimo, ku to bwaka vamwani Vafarisi kwakwe, va ta kha vona: “Khukha hawa u tsula, nguko Herodha a lava ku kudaya.”

Luka 23:7

Se a di engisile ti to Ene mbwa ditiko da kufumelwa ngu Herodha, a to m'rumela kwakwe Herodha, nga ngu hawa nene a nga txi maneka Jerusalema ka ona masiku ale.