Luka 9:52 - Bhiblia Yo Sawuleka

⁵² A txi rumela mitumi masoni kwakwe. Vona va to khukha ve tsula, veya m'tini ka Vasamariya kasi kuya mu lulamisela sotshe kona.

Luka 9:52 Referans Kwoze

Matewu 10:5

Se Jesu a to va ruma vona va digumi ni vambidi, msana ka kuva a di va layile a txi khene: “Mi nga tsimbileni ngu tinzila ta vamatiko, hambi kuwulela madhoropani ka Vasamariya.

Luka 17:16

A ti ya khizama minengeni ka Jesu, a txi mu bonga. Aniko ene i ti Msamariya.

Luka 10:33

Se ngu msana keto, a to pinda ngu kona haleya Msamariya wokari, a nga txi enda ngu yona nzila yile, se a di mu woni, a to mu pfela wusiwana.

Luka 10:1

Msana keto, Mkoma a to sawula vamwani vagondiswa va mtxhanu wa magumi ni magumi mambidi, ni vagondiswa vambidi, a txi va rumela, ngu vambidi-vambidi, a txi va thangetisa masoni kwakwe, kuya ka yotshe miti ni otshe makhalo awa Ene a nga ti fanela kuya.

Johani 8:48

Vajudha va to xamula, va txi kha vona kwakwe: “Ina kha hi wombi tona ti to khathu, awe u Msamariya, ni ti to khathu u na ni didhimoni kani?”

Luka 7:27

Ngene wu, ku nga bhalwa timhaka takwe, va txi kha vona: ‘Wona, ni ruma mtumi wangu masoni kwako; wu na kulongisela tinzila.’

Malakiya 3:1

Wonani taku, ni mi rumela ngelozi yangu, ayi yi no ni lulamisela nzila, se msana keto, Mkoma wule anu mi mlavako, a nata ngu kukuluveta dithepeleni kwakwe, Ngelozi ya txitumelelano, ayile anu mi yi verelako; wonani taku yata, kuwomba Mkoma wa Mabutho a Tiyimbi.

Luka 17:11

Ngako Jesu a txi ya Jerusalema a to pinda ngu hagari ka Samariya ni Galileya.

Johani 4:4

Kambe a ti fanela kutshawunyeta ngu Samariya.

Johani 4:5

Se a to hoka ka m'ti wumwani wa Samariya, awu wu dhanwako ku i Sikari, hafuhi ni thembwe yi Jakobe a nga ninga Josefa, mwanana wakwe. Konaho ku ti ni txisima txa Jakobe.

Johani 4:9

Wamsikati wule wa Msamariya a to mu xamula a txi khene: “Ti nga mahisa kutxani awe u ku Mujudha kukombela mati kwangu ni ku Msamariya kani?” (Nguko Vajudha kha va tolovelani ni Vasamariya).