Luka 9:51 - Bhiblia Yo Sawuleka

⁵¹ Ngako ma txi hoka masiku a kuguletwa kwakwe, Jesu a to tsana a txi teka nzila ya kuya Jerusalema.

Luka 9:51 Referans Kwoze

Marku 16:19

Sekoko, Mkoma Jesu, msana ka kuva a di wombawombile navo, a to gulwa a txi ya nzumani, a txi ya khalahatsha txineneni ka Txizimu.

Luka 18:31

Ene a to dhana ngu phuho va Digumi ni Vambidi, a txi va gela ku khene: “Wonani, ha kwela hi ya Jerusalema, se totshe ti ti nga bhalwa ngu Vaprofeti, madingano ni Mwanana wa M'thu, ti na hetiseka.

Luka 13:22

Jesu a ti tsimbila madhoropani ni mu mitini, a txi gondisa, a txi ya Jerusalema.

Luka 17:11

Ngako Jesu a txi ya Jerusalema a to pinda ngu hagari ka Samariya ni Galileya.

1 Pedro 3:22

wu a nga kwela nzumani, eya zumba txineneni ka Txizimu, ahawa a nga ningwa kufuma tingelozi, vathangeli ni mitamo.

Vahebheru 12:2

Na hi txi wonetela Jesu, m'vangi ni muhetisekisi wa likholo lathu, awu a nga leka litsako li a nga velekwa ka lona, a txi langa sixaniso sa kurwala txihambano, asi khatali ngu kurukwa. Se konkuwa, a maneka a di khalahatshile txineneni ka txikhalo txa wukoma txa Txizimu.

Vahebheru 6:20

Ahawa a nga wulela kona Jesu ngu mhaka yathu, kota mthangeli, e mahwa Mphaxeli wa Hombe, madingano ni mlayo wa Melkisedheki.

1 Timoti 3:16

Na tsanisa ti to msisalo wa wukhongeli wathu mbwa hombe: “A wonekisilwe nga m'thu, a wombilwe wo lulama moyani, a wonwi ngu tingelozi, a nuwetwe hagari ka matiko, a tumetwe ha mafuni, a kwetisilwe txitimwi kudhumiswani.”

Vaefesu 1:20

awu Txizimu txi nga wu wonekisa ka Kristu, ngu ku mu wusa ka vakufa, txi txi m'khalahatshisa txineneni ka txona nzumani,

Mithumo 1:9

A di wombile timhaka tiya, a to guleka na va txi mu wona, se direfu di mu tsivela, va si swi va txi mu wona.

Mithumo 1:2

kala ka ditshiku di a nga kweliswa ngu dona nzumani, msana ka kuva a di leletile, ngu Moya wo Sawuleka, vapostoli va a nga va sawula.

Johani 17:11

Ani kha ni nga ngadi ha ditikoni, kambe vona va ngadi sate ha ditikoni, se ani ni ta kwako. Tate wa kusawuleka, va xayise ditinani kwako, ava u nga ni ninga, kasiku va na maha mmweyo, nga athu hi ku mmweyo.

Johani 16:28

Ni humile ngu ka Tata, ni tile ha mafuni. Konkuwa na khukha ha mafuni ni tsula ka Tata.”

Johani 16:5

Konkuwa na tsula ka wule a nga ni rumela, kambe awalo ni wammweyo kwanu, a ni wotisako ku: ‘U ya hani, kani?’

Johani 13:1

Na kusanzi kuhoka M'buso wa Pasika, Jesu, ngu kuziva ti to txi hokile txikhati txakwe, txa kupinda ka ditiko diya e tsula ka Tate, Ene a nga ti ti va randa vathu vakwe, va ku ha mafuni, a va kombile lirando kala kuhoka magwito.

Johani 6:62

Se mi na txani, mbimo yi mi no wona Mwanana wa M'thu a txi kwela e tsula muwa a nga ti kona kukhatani, kani?

Luka 24:51

Mbimo yi a nga txi va katekisa, a to va siya, a txi guleka a txi ya txitimwi.

Luka 19:28

Ngako a di wombile timhaka tiya Jesu a to thangela masoni ka vagondiswa vakwe, veya Jerusalema.

Luka 19:11

Ku ti ngako vona va txi engisa timhaketo, Jesu a to engeta e va gela txidinganiso, nguko a ti hafuhi ni Jerusalema, se vona va ti pimisa ti to Mfumo wa Txizimu wu na kuluveta kuhumelela.

Luka 12:50

Ka ho kubhabhatiswa kuwa ni fanelako ku kuamukela, aniko eto ni xanisekisako tona kala mbimo yi ku no tatiseka ngu yona!

2 Vafumeli 2:11

Se mbimo yile va nga txi tsimbila na va txi bhula, ku to humelela txikotxikani txa mndilo ni mahantxhi a mndilo, si txi va dhawukanisa, se Elija a kwelisileto nzumani, ngu mu ka txihuhuri.

Vafilipiya 3:14

ni tsimbilisa kuya magwito, kala kuya mana txhatxhazelo ya kuxula, ayi ni dhanelwako yona nzumani ngu Txizimu, ditinani ka Kristu Jesu.

Luka 9:57

Mbimo yi va nga txi tsimbila, m'thu wokari a to gela Jesu, hanzila, ku khene: “Ani ni na kulondisela kotshe mu u no tsimbilela kona.”