Luka 9:49 - Bhiblia Yo Sawuleka

⁴⁹ Se Johani a to womba a txi khene: “M'gondisi, hi woni m'thu wokari a txi tovela madhimoni ngu ditina dako, se hi mtsimbile, nguko kha hi londisi.”

Luka 9:49 Referans Kwoze

Mithumo 5:28

“Hi mi tsimbile ngu mthetho wa kupfala, ti to mi si gondisi ngu ditinedo. Aniko anu mi tatile Jerusalema ngu kugondisa kwanu; mi lava ti to mnoha wa m'thu wuwa wu txi thekelela txitimwi kwathu.”

Luka 5:5

Simoni a to angula a txi khene: “M'gondisi, hi thumile wotshe wusiku, kambe kha ha mana txilo; aniko ngako u rumako, ni na rinza tikoka.”

1 Vatesalonika 2:16

Va hi tsimbisela kutxhumayela Evhangeli yo hanyisa ka vamatiko. Se ngu toneto, va to tatisela sionho sawe si va nga si maha. Se konkuwa ngu kugwitisa, kuhenya ka Txizimu kuwite txitimwi kwawe.

Matewu 3:14

Aniko Johani a to lamba a txi khene: “Ani ngani ni fanelako kubhabhatiswa ngu ngawe, se awe u ta kwangu kani?”

Luka 9:33

Ngu txikhati txi va nga txi lava kuhambana nayo, Pedro a to khene ka Jesu: “Mkoma, ta tshura ngako hi txi zumba kona hawa; hi tumelele hi txi aka midhuti miraru; wumwani mbwako, wumwani mbwa Mosi, wumwani mbwa Elija.” Kambe asi ti zivi ati a nga txi womba-womba tona.