Luka 9:41 - Bhiblia Yo Sawuleka

⁴¹ Jesu a to xamula a txi khene: “Anu livelekonu la kwa mbi kholwa ni lo gombonyeka, ni na va ni nanu ni kulaphisa mbilu kala ditshiku muni kani? Tisa mwanana wako hawa.”

Luka 9:41 Referans Kwoze

Dhewuteronome 32:5

Akuwa va nga onhela Txizimu, hi nga ngadi vanana va txona, ngu vona va ku ni mnandu, liveleko lo gombonyeka ni la makuhu.

Johani 20:27

Ngu msana a to gela Tomasi, a txi khene: “Tisa litiho lako ahawa, u txi wona manza angu; tshuketisa dianza dako, u txi di beta ha didhawani kwangu, u nga swe kambe u txi ti maha mkaneti, aniko kholwa.”

Johani 14:9

Jesu a to khene kwakwe: “I kale ni di zumbile ni nanu, se khu se ni ziva kani Filipi?” Awule a ni wonako, a woni Tate. Se nji txani u txi khawe: “Hi kombe Tate kani?”

Marku 9:19

Jesu a to xamula a txi khene: “Anu, liveleko la kwa mbi kholwa, ni na va ni nanu kala mbimo muni? Ni na timisela ngu nganu kala txikhati muni kani? Mu neheni kwangu.”

Matewu 17:17

Jesu a to xamula a txi khene: “Liveleko la vathu va ku ambi kholwa ni vo soholoka, ni na va ni nanu kala txikhati muni kani? Ni na timisela ngu nganu kala ditshiku muni kani? Mu tiseni hawa kwangu.”

Vahebheru 7:25

Ngu kota yeto, ene wa sikota kuhanyisa, ka mbimo yihi ni yihi, votshe vale va tshuketelako ngu ngene ka Txizimu, nguko ene wa hanya yotshe mbimo kufela ku va kombelela.

Vahebheru 4:11

Ngu toneto, he khutaleleni kuya wulela kona kuhumulaniyo, kasiku ni wammweyo asi wi, ngu mhaka ya kukanyisa ko fana ni kwawe.

Vahebheru 4:2

Nguko, nanathu, hi engisile Evhangeli nga vona; aniko, dipswi di va ngadi engisa kha da va vhuna txilo, nguko kha va namarela ngu likholo avale va ngadi engisa.

Vahebheru 3:19

Se ngu toneto, ha ti wona ti to va tandekile kuwulela ngu mhaka ya ku ambi kholwa kwawe.

Varoma 2:4

Mwendo wo kanyisa kutala ka wunene wa Txizimu, ni kutimisela ka txona, ni kuhonisela ka txona; khu ti zivi ti to wunene wuwa wa Txizimu wu ku ndindela kuya kuhundulukani kani?

Mithumo 13:18

Se ngu mtamo wa diwoko da txona txi va humisile ka ditiko dileya, txi va mahela wumbilu txiwulani, mndani ka malembe o lava kudingana mune wa magumi.

Mithumo 2:40

Pedro a to tsanisa wufakazi wakwe ngu mamwani mapswi amangi, a txi va laya, a txi khene: “Hambanani ni liveleko liya lo gombonyeka.”

Luka 8:25

Se a txi khene kwawe: “Kukholwa kwanu ku hani kani?” Vona va to telwa ngu dizowa, ve gelana va txi kha vona: “I mani wu a malatako moya ni linene, si txi mu engisa, kani?”

Matewu 16:4

Lixaka la tshofu ni la ku ambi thembeka ka Txizimu li kombela sidiwukiso, aniko kha li na mbi ningwa tximwani txidiwukiso, hahanze ka txikombiso txa mprofeti Jona.” Se a to va leka e ti tsulela.

Matewu 12:39

Se ene a to va xamula a txi khene: “Liveleko la tshofu ni la wugango li lava txikombiso, aniko kha li na mbi ningwa tximwani txikombiso, hahanze ka txikombiso txa mprofeti Jona.

Matewu 3:7

Mbimo yi a nga wona Vafarisi ni Vasadhusi va txi lava ku ta bhabhatiswa ngu ngene, a txi khene kwawe: “Lixaka la timamba i mani a nga mi laya, ti to mi thava txiviti txi txi tako kani?

Jeremiya 4:14

“Jerusalema, kuwula mbilu yako kubihani, kasi ku u na hanyiswa; Maalakanyo ako o biha ma na zumba ni nawe kala yihi mbimo kani?

Masalmo 78:8

va si fani ni vatate vawe, i nga ti liveleko la sindaka-milayo, siphukuphuku i ku liveleko li nga mbi xayisa mbilu ya lona, ni moya wa lona wu nga mbi thembeka ka Txizimu.

2 Vafumeli 5:8

Se mbimo yile a nga tipfa Elixa, m'thu wa Txizimu, ati taku mfumeli wa ka Israyeli a vharute syambalo sakwe, a to rumela dipswi ka mfumeli do khene: U vharulete syambalo sako ngu kutxani kani? Mleke e ta wonana ni nani, a na ziva ti to ku ni mprofeti amuwa Israyeli.

Mitengo 14:27

“Kasi ngu yihi mbimo ni no gwita kutimisela ngu msengeletano wuwa wo biha nga tiya kani? Va na ngungurukela kala mbimo muni kani? Ani ni pfite kusura ka vanana va ka Israyeli, ava va ni mahelako gujeguje tinzeveni kwangu.

Mitengo 14:11

Mkoma a ti khene ka Mosi: “Vathu vava, va na ni nyenya kala yihi mbimo kani? Kala yihi mbimo va si ni thembi kani? Hambi ku va nga wona sixamaliso si ni nga va mahela kambe ni kambe kani?

Eksodha 16:28

Sekoko Mkoma a to khene ka Mosi: “Mi na lamba kuvekisa sirumo sangu ni mithetho yangu kala mbimo muni kani?

Eksodha 10:3

Se Mosi ni Aroni, va yite kambe ka Faro, va txi ya m'gela tiya: “Mkoma, Txizimu txa Vahebheru, a khene: U na gwita mbimo muni kukaneta u si ti veki hahatshi masoni kwangu kani? Leka vathu vangu ve huma, kasi va txi ya ni khozela.

Marku 10:49

Se Jesu a to ema, a txi khene: “M'dhaneni!” Vona va to m'dhana wule wa dibhofu, va txi mu gela va txi kha vona: “Tsana msana, khukha, ene wa kudhana!”

Marku 10:14

Aniko Jesu, mbimo yi a nga wona tiya, a to henya, a txi khene: “Lekani sivananana si txi ta kwangu, mi nga si tsimbiseni, nguko Mfumo wa Txizimu wu lumba ava vo nga tiya.

Matewu 23:36

Kha ditshuri na mi gela ku khani: Sotshe siya si na welela lihunzu liya.”

Matewu 12:45

Sekoko moya wule wu to ya dhana yimwani mimoya ya mtxhanu ni yimbidi, ya nzambwa ngutu kupinda wona, se yi wulela yi zumba konemo. Se mazumbelo o gwitisa a m'thu wule ma na pinda o khata ngu kubiha. Ku na mahisa toneto ka lona liveleko liya la tshofu.”

Matewu 11:28

Ngonani kwangu, motshenu mi nga karala, mi nemelwako ngu mrwalo, ani ni na mi humuta.

Luka 9:40

Ni kombete ka vagondiswa vako, ni txi khani va na wu tovele, aniko va tandekile.”

Luka 9:42

A di ngadi a txi tshuketa, didhimoni di to mu ginyalata, di txi mu dhudhumelisa, kambe Jesu a to dhusa moya wule wa nzambwa, se e hanyisa mwanana e mningela ka tate wakwe.