Luka 9:39 - Bhiblia Yo Sawuleka

³⁹ Ngako moya wu txi mñola, koneko wo kwangula, a txi dhudhumela, e pupuma diphutu, wu txi mu ginyalata, wu si tumeli ku mu leka, hambiko wu nga mu karata ngutu.

Luka 9:39 Referans Kwoze

Luka 8:29

Ene a wombile tiya nguko Jesu a ti rumile moya wu wo biha kuhuma ka m'thu wule. Moya wule i ti kale wu txi mu xanisa, a txi zumba a di sungilwe ngu titxhini ni makhodha, kambe ene e si bhenula e rethelwa txiwulani ngu didhimoni.

Luka 4:35

Se Jesu a to wu dhusa, a txi khene: “Malala, u huma kwakwe.” Ngako didhimoni di di mu ginyalatile hagari kwawe, di to huma kwakwe di sa mu maha phango.

Marku 9:26

Wona wu to peka huwa, wu txi mu zuza-zuza ngutu, wu txi huma; se mfana a to tsivala, se vavangi ve pimisa ti to a fite.

Marku 9:20

Se va to mu yisa ka Jesu. Se ngako moya wu txi wona Jesu, wu to txherukisa ngutu mfana, a txi wa hahatshi e puluwunda ni kupupuma diphutu.

Mtuletelo 9:11

Humbiyo yi ti fumwa ngu ngelozi ya diphala do hokoma, ditina da yona yi dhanwako ku i “Abhadhoni” ngu Txihebheru ni ku i “Apoliyoni” ngu Txigriki.

1 Pedro 5:8

Ti pimelani, mi txi ti wonela; nguko Sathani, mlala wanu, wa mi horolokela nga ngonyamo yi yi bhongako, yi txi lava wo m'kakatxula.

Johani 8:44

Tate wanu ngu Sathani. Se mi randa kumaha kunavela ka tate wanu. Ene i m'dayi kukhukhela kukhatani, kha zumba ditshurini, nguko kwakwe kuwalo ditshuri. Ngako a txi womba-womba makuhu, a womba-womba ngu ti i ku takwe, nguko i m'hembi ni tate wa makuhu.

Marku 9:18

Hani ni hani wu mu ñolako, wo mu ginyalata hahatshi, se ene e pupumela diphutu, e gegeresela makwasa se a txi oma sihango. Ni kombete vagondiswa ti to ve wu tovela, kambe va tandekile!”

Luka 9:38

Se wamwamna a nga ti hagari ka dibutho, a to kwangula, a txi khene ka Jesu: “M'gondisi, na ku kombela, ngono u ta wona mwanana wangu, nguko ngene ekha ni ku nayo.

Luka 9:40

Ni kombete ka vagondiswa vako, ni txi khani va na wu tovele, aniko va tandekile.”