Luka 9:33 - Bhiblia Yo Sawuleka

³³ Ngu txikhati txi va nga txi lava kuhambana nayo, Pedro a to khene ka Jesu: “Mkoma, ta tshura ngako hi txi zumba kona hawa; hi tumelele hi txi aka midhuti miraru; wumwani mbwako, wumwani mbwa Mosi, wumwani mbwa Elija.” Kambe asi ti zivi ati a nga txi womba-womba tona.

Luka 9:33 Referans Kwoze

2 Vakorinto 4:6

Txizimu txi txi nga womba ti to ku na tumbuluke liwoningo mu ka txidema, ngu txona txi nga woninga timbilu tathu, kasiku nanathu hi txi woninga vathu ngu wuzivi wa kuphatima ka Txizimu, aku ku wonekako ka Kristu.

Johani 14:8

Filipi a to khene kwakwe: “Mkoma, hi kombe Tate, ta hi dingana!”

Luka 5:5

Simoni a to angula a txi khene: “M'gondisi, hi thumile wotshe wusiku, kambe kha ha mana txilo; aniko ngako u rumako, ni na rinza tikoka.”

Marku 10:38

Jesu a to va xamula a txi khene: “Kha mi txi zivi txi mi kombelako txona. Ina mi nga sikota kusela ka digombe da wuvi adi ani ni no sela dona, ni kuamukela txibhabhatiso txi ani ni no txi amukela kani?”

Matewu 17:14

Ngako va di hokile ka dibutho, mmweyo wa mwamna a to mtshuketela hafuhi kwakwe, a txi mu khizamela, a txi khene kwakwe:

Masalmo 73:28

Aniko kwangu, ndinene kuzumba hafuhi ka Txizimu. Awe, Mkoma, Txizimu txangu, u wuthavelo wangu; ni na huwelela totshe ti u nga maha.

Masalmo 27:4

Tximaha tximwetxo ni kombelako ka Mkoma, tximaha tximwetxo ni txi navelako; ni navela kuzumba Nyumbani ka Mkoma otshe masiku a kuhanya kwangu, ti to ni txi pfa lirando la Mkoma ni mkhozela Nyumbani kwakwe.

Matewu 17:4

Se Pedro a to womba ka Jesu a txi khene: “Mkoma ndinene ku hi zumba konahawa. Ngako u txi ti lava, hi na aka kona hawa midhuti yiraru, wumwewo mbwako, wumwani mbwa Mosi ni wumwani mbwa Elija.”

Luka 9:34

A di ngadi a txi womba-womba, direfu di to ta, di ta va fenengeta; va di direfuni, va to telwa ngu dizowa vagondiswa.

Luka 9:49

Se Johani a to womba a txi khene: “M'gondisi, hi woni m'thu wokari a txi tovela madhimoni ngu ditina dako, se hi mtsimbile, nguko kha hi londisi.”