Luka 9:32 - Bhiblia Yo Sawuleka

³² Kambe Pedro ni va a nga ti navo, va ti nemelwa ngu wukohe. Mbimo yi va nga wuka, va to wona kuphatima kwakwe, ni vavamna va vambidi ava va nga ti emile nayo.

Luka 9:32 Referans Kwoze

Johani 1:14

Dipswi di ti mahile m'thu, e aka hagari kwathu; hi wu woni wudhumo wakwe, wudhumo wu Tate a nga ninga Mwanana wakwe wa Mmweyo ekha, wo tala ngu makatekwa ni ditshuri.

Dhaniyeli 8:18

Se a txi nga txi womba-womba ni nani, ni to wa hahatshi ngu khohe yangu, ni tsivala; ene koko a to ni ñola e ni emisa.

Dhaniyeli 10:9

Hambi keto, ni to pfa dipswi da timhaka takwe; se ni di pfite dipswi da timhaka takwe ni to wa hahatshi ngu khohe yangu ni tsivala.

2 Pedro 1:16

Nguko, ku mi gondisa kwathu timhaka ta mtamo ni kuta ka Mkoma wathu Jesu Kristu, kha ta khukhela ka mabhulo o sikwa ngu wutxhari wa m'thu, aniko hi mi gondisile ngu ku hi nga wona wuhombe wakwe ngu maso athu mapune.

Johani 17:24

Tata, ni dhunda ti taku avale u nga ni ninga, ve va ni nani, ahawa ani ni ku kona, kasiku ve wona kuphatima kwangu, kuphatima kuwa u nga ni ninga awe; nguko awe u ni randile u sanzi kuvanga ditiko.

Isaya 60:19

Kha di na mbiswa di kuthumela ditambo kasi ku kuwoninga, hambi kuwoningwa ngu mtxima; aniko Mkoma a na va liwoningo lako la kwa mbi guma, ni Txizimu txako mbudhumo wako.

1 Johani 3:2

Vorandeka, konkuwa hi vanana va Txizimu, kambe kha zivaneki ati hi no va hi di txona. Ha tiziva ti to mbimo yi a nota Kristu, hi nata fana nayo, nguko hi nata muwona ngu wutumbu wakwe.

Marku 14:40

Se e wuya kambe a ta va mana vagondiswa va di otete, nguko maso awe ma ti nemelwa ngu wukohe, va txi pwata ni dipswi do mu angula.