Luka 9:30 - Bhiblia Yo Sawuleka

³⁰ Se ku to woneka vavamna vambidi, va nga txi womba-womba nayo, i ku Mosi ni Elija,

Luka 9:30 Referans Kwoze

Johani 1:17

Nguko hi ningilwe Mlayo manzani ka Mosi, aniko kateko ni ditshuri hi wuyisetwe ngu Jesu Kristu.

Luka 24:44

Se a txi va gela ku khene: “Ngu ona mapswi awa ni nga mi gela, ni di ngadi ni nanu: ‘Ta ku khani ti ni fanelo ya kutatiseka totshe ti ti nga bhalelwa ani dibhukuni ka Mlayo wa Mosi ni ka Vaprofeti ni mu ka Masalmo.’ ”

Luka 24:27

Sekoko, a to khata ngu mibhalo ya Mosi ni ya vaprofeti e va txhamusela totshe ti ti wombawombako ngu ngene mu ka Mibhalo yotshe.

Luka 9:19

“Vathu va kha vona ngani mani kani?” Vona va to xamula va txi kha vona: “Va u Johani Mubhabhatisi, se vamwani va kha vona u Elija, vamwani kambe va kha vona u mmweyo wa vaprofeti, a nga wuka ngu ka vakufa.”

Luka 1:17

A na thangela masoni ka Mkoma ngu moya ni mtamo wo fana ni wa Elija; a na wuyisa timbilu ta vaveleki ti ta manana ni ta vanana vawe; a na wuyisa vaeyisi ka wuzivi wa valulami, kasiku e lulamisela Mkoma ngamu yi yi hanelako ene.”

Luka 9:29

Ku ti ngako a txi khongela, khohe yakwe yi to phinduka, tinguwo takwe ti basa, ti txi phatima.

Luka 9:31

ava va nga woneka ngu kuphatima, va txi womba-womba ngu ti a no khukhisa tona ngu Jerusalema.