Luka 9:3 - Bhiblia Yo Sawuleka

³ A txi khene kwawe: “Ngu sa nzila, mi nga thukeni mi longa txilo, hambi i di ndonga, msava mwendo mbuva, mwendo male; hambi kuva ni mabhaji mambidi.

Luka 9:3 Referans Kwoze

Luka 22:35

Ngu msana a engetile a txi khene kwawe: “Mbimo yi ni nga mi ruma, mi si nga ni mkwama mwendo msava mwendo masandazi, txi ho txi txi nga mi pwatekela kani?” Vona va to angula va txi kha vona: “Lambi!”

Masalmo 37:3

Themba Mkoma, u txi maha ta tinene; u na aka ha mafuni, u txi hanya ngu kuthembeka.

2 Timoti 2:4

A walo m'thu wu, a ku, a di yimbini, a txi ti ningetela ka mithumo ya kuhanya kuwa, ngako a txi lava kutsakisa awule a nga mramba ku ta yimbini.

Luka 12:22

Se a to khene ka vagondiswa vakwe: “Ngu toneto, ni khani kwanu: Mi nga thukeni mi vilela ngu sa wutomi wanu, ti to mi na dya txani, hambi ni si sa mmidi wanu, ti to mi na ambala txani.

Luka 3:11

Ene a to va xamula a txi khene: “Awule a ku ni mabhaji mambidi, a na abane ni wule a ku si nga ni da dimwedo; awule a ku ni sakudya a na mahe toneto nene.”

Luka 12:28

Se akuwa Txizimu txi ambekisako tiya mwasi wu wu ku txitingani nyamsi, kuve mangwana wu na tshotshwa mndiloni, ngutu-ngutu txi na mi ambeka anu, vathu va kukholwa ka kudotho!

Luka 5:29

Se Levhi a to mmahela m'buso wa hombe nyumbani kwakwe; kambe ku ti ni dibutho da hombe da vakhupisi ni vamwani va nga ti navo ha mezani.

Marku 6:7

Ene a to dhana vapostoli va digumi ni vambidi, a txi khata ku va ruma, ngu vambidivambidi, a txi va ninga mtamo wa kuxula mimoya ya nzambwa.

Luka 9:4

Nyumba yihi ni yihi mi no wulela ka yona, zumbani ka yona kala kuza mi khukha.