Luka 9:22 - Bhiblia Yo Sawuleka

²² A txi txhamusela ku khene: “Mwanana wa M'thu a fanete kuxaniseka ngutu, a txi vengelwa ngu madhota a ditiko ni vaphaxeli va hombe ni vabhali, a txi ningelwa kuya dawa, aniko ngu ditshiku da wuraru, a na wuka.”

Luka 9:22 Referans Kwoze

Luka 24:7

‘Mwanana wa M'thu a fanete kuningelwa manzani ka vaonhi, a txi bethelwa ha txihambanoni e tshumela e wuka ngu ditshiku da wuraru.’ ”

Luka 9:44

“I di anu, engisani ta tinene mapswi awa: Mwanana wa M'thu a na ningelwa manzani ka vathu.”

1 Pedro 1:11

Vona va wonisisile mbimo ni mamahekelo awa ma nga kombwa ngu Moya wa Kristu, wu wu nga ti navo, awu wu nga ti va profetela, sixaniso sa Kristu, ni kupfaliswa kuwa ku nga ti fanela ku si londisa ngu msana.

Marku 9:31

nguko a ti lava kugondisa vagondiswa vakwe. A txi va gela ku khene: “Mwanana wa M'thu a na ningelwa manzani ka vathu. Vona va na m'daya, kambe ma di pindile masiku mararu msana ka kufa kwakwe, ene a na wuka.”

Marku 8:31

Se a to khata ku va gondisa tito: “Mwanana wa M'thu a fanete kuxaniseka, a txi nyenywa ngu madhota a ditiko ni vaphaxeli va hombe ni vabhali, e dawa, e tshumela a txi wuka ngu ditshiku da wuraru.”

Matewu 17:12

Aniko ani na mi gela ku khani: Elija a tile, kambe kha va m'ziva; va mmahile totshe ti va nga ti lava. Ngu toneto, Mwanana wa M'thu nene a na xaniswa ngu vona.”

1 Vakorinto 15:4

A keletwe, e tshumela e wuka ngu ditshiku da wuraru, nga ti yi wombako yona Mibhalo.

Luka 24:26

Ina ti si laveki ti to Mesiya e xanisekisa tiya, se e wulela kudhumiswani kwakwe kani?”

Matewu 17:22

Ngako va di sengeletanile Galileya, Jesu a to va gela vagondiswa vakwe a txi khene: “Mwanana wa M'thu a na ningelwa manzani ka vathu;

Zakariya 13:7

Awe ditxhari khukha u lwa ni m'dyisi, lwana ni wamwamna wule i ku mngana wangu, kuwomba Mkoma wa Mabutho a Tiyimbi; peka m'dyisi, se ti na hangalaka tinvuta; aniko ni na nawuluta dianza dangu, ni peka vale vavadotho.

Dhaniyeli 9:26

Se msana ka mtxhanu wa magumi ni dimwedo a mavhiki ni mavhiki mambidi, Mesiya a na thaviswa, kha na mbi vaho kambe; se vathu va mthangeli wule a nota, va na haxula didhoropa ni wukhalo wo sawuleka, kambe magwito a sona ma na fana ni dambi, ku nava ni yimbi kala magwito; si emisetwe kuhoxotwa.

Genesisi 3:15

Se ni na veka livengo hagari kwako ni wamsikati, hagari ka liveleko lako ni liveleko lakwe; aliya li no ku ganyata msungo, se awe u txi li luma txizenende.”

Matewu 27:63

veya mu gela tiya: “Awe mfumeli, ha khumbula ti to mxengeteli wule a wombile, a di ngadi a txi hanya, a txi khene: ‘Ni na wuka ngu ditshiku da wuraru.’

Luka 17:25

Kambe kukhata a fanete kuxaniswa ngutu e zondwa ngu va liveleko liya.”

Luka 24:44

Se a txi va gela ku khene: “Ngu ona mapswi awa ni nga mi gela, ni di ngadi ni nanu: ‘Ta ku khani ti ni fanelo ya kutatiseka totshe ti ti nga bhalelwa ani dibhukuni ka Mlayo wa Mosi ni ka Vaprofeti ni mu ka Masalmo.’ ”