Luka 9:19 - Bhiblia Yo Sawuleka

¹⁹ “Vathu va kha vona ngani mani kani?” Vona va to xamula va txi kha vona: “Va u Johani Mubhabhatisi, se vamwani va kha vona u Elija, vamwani kambe va kha vona u mmweyo wa vaprofeti, a nga wuka ngu ka vakufa.”

Luka 9:19 Referans Kwoze

Johani 1:21

Se vona va to mu wotisa, va txi kha vona: “Ngawe mani kani? Ina ngawe Elija kani?” Ene a txi khene: “Kha ni nga ene.” “Mwendo u mprofeti kani?” Ene a txi angula, a so khene: “Ahim-him.”

Marku 6:15

Vamwani va txi kha vona: “I Elija.” Vamwani va txi kha vona: “I mprofeti wa kufana ni vamwani vaprofeti.”

Matewu 14:2

a to gela malanda akwe, a txi khene: “Awuwa i Johani Mubhabhatisi a nga wuka ngu ka vafi; ngu konaho mtamo wu wa kumaha sidiwukiso wu thumako kwakwe.”

Malakiya 4:5

Wonani taku ani ni na mi rumela Mprofeti Elija, na ku si se hoka ditshiku da hombe do thisa da Mkoma.

Johani 9:17

Va to engeta kambe ve womba ka dibhofu, va txi kha vona: “Awe u wona txani ngu wule a nga kutula maso kani?” Ene a va xamute a txi khene: “Mprofeti.”

Johani 7:40

Sekoko vavangi hagari ka dibutho, ku ti ngako va di engisile dipswido, va to womba, va txi kha vona: “Kha ditshuri, awuwa i Mprofeti.”

Johani 1:25

Vona va to mu wotisa va txi kha vona: “Se i mhaka muni u txi bhabhatisa na u si nga Mesiya, u si nga Elija, u si nga Mprofeti kani?”

Matewu 3:1

Ka ale masiku, ku humelete Johani M'bhabhatisi e txhumayela txiwulani ka Judheya,

Marku 6:14

Ku ti ngako mfumeli Herodha a di pfite timhaka ta Jesu, nguko ditina dakwe di ti ni nduma ngutu, a to khene: “I Johani Mubhabhatisi a nga wuka ngu ka vakufa, ngu konaho mitamo yi thuma ngu ngene.”

Luka 9:18

Ka ditshiku dokari, ngako Jesu a txi khongela ka wukhalo wa kusisaleka, vagondiswa vakwe va ti kumweko nayo, se ene a txi va wotisa ku khene:

Luka 9:20

Ene a to khene kwawe: “Anu-ko, mi khanu ngani mani kani?” Pedro a to xamula a txi khene: “U Mesiya wa Txizimu.”