Luka 9:16 - Bhiblia Yo Sawuleka

¹⁶ Jesu a to teka mapawu a mtxhanu ni sihaka sile sa simbidi, a txi gula maso a txi wona nzumani, a txi si katekisa, a txi si bhandelela, a txi si ningela ka vagondiswa, kasiku vona ve phakela dibutho;

Luka 9:16 Referans Kwoze

Matewu 14:19

Ngu msana keto, a to gela vathu ti to ve khalahatshela ha mwasini. Se e teka mapawu ale a mtxhanu, ni sihaka simbidi, e guleta maso a txi wona nzumani, e si katekisa, a txi si bhandelela, ngu msana e si ningela ka vagondiswa, se vagondiswa ve si abanisela ka vathu.

Luka 24:30

Se a di khalahatshile navo ha mezani, a to teka dipawu, e di katekisa, se ngu msana e di bhanda, e va ninga.

Matewu 15:36

Ngako a di tekile mapawu yale ya mtxhanu ni mabidi ni sihaka sa kona, a to bonga a txi si bhandelela, a txi si ningela ka vagondiswa, se vona va to avela dibutho.

Varoma 14:6

Awu a ti sawulelako ditshiku dokari, a di sawulela Mkoma. Awu a dyako sotshe, a dya ngu mhaka ya Mkoma, nguko a bonga Txizimu. Nene wu asi dyiko sotshe, kha si dyi ngu mhaka ya Mkoma, nene a bonga Txizimu ngu sona.

Mithumo 27:35

Ngako a di wombile tiya, a to teka dipawu e bonga Txizimu masoni ka votshe, e di bhanda e khata kudya.

Johani 6:23

Hambi keto, timwani tingalava, ta kuta ngu Tibheriyadhe, ti ti hokile hafuhi ni hawa va nga dyela kona mapawu, ngako Mkoma a di bongile.

Johani 6:11

Ti di ngeto, Jesu a to teka mapawu, se a di gwitile kubonga, a to ma avela ka vale va nga ti khalahatshile, a txi avelisa toneto ni sona sihaka. Va dyite nga ti va nga txi ti lavisa tona.

Luka 22:19

Ngu konaho a to teka dipawu, se a di bongile, a to di bhanda, a txi va ninga, a txi khene: “Asiya i mmidi wangu wu no ningelwa ngu kota yanu; mahani tiya kasi ku ni alakanya ngu tona.”

1 Vakorinto 11:24

se a di bongile, a to di bhanda, a txi khene: “Asiya i mmidi wangu awu wu no ningelwa ngu kota yanu; mahani tonatiya, mi na ni alakanya ngu tona.”

1 Vakorinto 10:30

Ngako ni txi dya sakudya, ni txi bonga ka Txizimu, se ni solelwa txani ngu sakudya si ni nga si bongela kani?

Marku 7:34

Se a to wona nzumani, a txi hefemuteka, a txi khene kwakwe: “Efata,” ati ti wombako ku “Tuleka!”

1 Samuwele 9:13

Ngako anu mi txi wulela didhoropani, mi na ya mmana a sanzi ku kwelela ka wukhalo wo guleka kuya dya; nguko vathu kha va na mbi dya an'ze atxi bwaka, nguko ngene a katekisako mhamba, se msana keto, avale vo rambwa va na dya. Kwelelani koko konkuwa, nyamsi mi na mmana.

Luka 9:15

Vona va mahisile toneto, va txi va gela ve khalahatshela votshe.

Luka 9:17

Votshe va dyite va txi khura; msana keto, va tshumete ve rolela asi si nga sala: Digumi da sirundu ni simbidi.