Luka 8:9 - Bhiblia Yo Sawuleka

⁹ Se vagondiswa vakwe va to mu wotisa va txi kha vona: “Txidinganiso txiya txi womba txani kani?”

Luka 8:9 Referans Kwoze

Marku 4:10

Ku ti ngako a di phuho, ava va nga ti nayo ni va va digumi ni vambidi va to mu wotisa ngu mhaka ya sidinganiso.

Matewu 13:18

“Ngu konaho engisani kha kwati txidinganiso txa mphayi.

Matewu 13:10

Vagondiswa va to mtshuketela hafuhi, va txi kha vona: “Njitxani u txi va wombawombela ngu sidinganiso kani?”

Johani 15:15

Kha ni swi ni txi mi dhana ngu ditina daku mi sithumi, nguko txithumi kha txi ti zivi ati ti mahwako ngu mfumeli wa txona; aniko ni mi dhana ngu ditina daku mi vangana, nguko ni mi tulete totshe ti ni nga tiengisa ka Tate wangu.

Marku 4:34

Kha womba mhaka kwawe, hahanze ka kumaha ngu sidinganiso. Se ngako va di phuho, a ti ti txhamusela totshe timhaka ka vagondiswa vakwe.

Matewu 15:15

Se Pedro a to xamula a txi khene: “Hi txhamusele txidinganiso txiya.”

Matewu 13:36

Sekoko ngako a di lekile mabutho, Jesu a to wulela nyumbani. Se vagondiswa vakwe ve tshuketela hafuhi kwakwe, va txi kha vona. “Hi txhamusele txidinganiso txa nyasafari wa thembweni.”

Hoseya 6:3

A hi m'ziveni, a hi yeni masoni ngu kuziva Mkoma, kuhuma kwakwe ku na fana ni kugwimba ka wuronga; se a nata kwathu ku nga kuwa ka mati, ku nga mati matshutshelako me nakanisa mafu.