Luka 8:47 - Bhiblia Yo Sawuleka

⁴⁷ Sekoko ngako wamsikati a di woni ti to a tumbutwe, a to ta ngu kudhudhumela, a ta khizama minengeni kwakwe, a txi ti landula apune masoni ka vathu votshe, na a txi womba tiya a nga mu gwesela tona ni kuhanyiswa kwakwe ngu txikuluveta txa konako.

Luka 8:47 Referans Kwoze

Marku 5:33

Sekoko awule wamsikati, na a txi dhudhumela ngu kuthava, ngu kuwa a nga txi tiziva tiya ti nga mu humelela, a to ya khizama masoni kwakwe, a txi mu txhamusela dotshe ditshuri. Se Jesu a nje khene kwakwe:

2 Vakorinto 7:15

Ene a ngadi a txi mi dhunda ngutu ngako a txi alakanya kuengisisa kwanu, ni ti mi nga mu amukelisa tona ngu txithavo ni kudhudhumela.

Vahebheru 12:28

Ngako hi nga amukela mfumo wo mbi dekadeka, he ñolisiseni ta tinene kateko yiya. Ngu yona, a hi khozeleni Txizimu ngu nzila yi yi amukelekako, ngu kutiveka hahatshi, ni txithavo.

1 Vakorinto 2:3

Ni tile masoni kwanu ni di ni dizowa ni kuthava ni kudhudhumela ka hombe.

Masalmo 2:11

Thumelani Mkoma Txizimu ngu txithavo, mi txi mtsakela ngu kudhudhumela.

Mithumo 16:29

Muwoneleti wa mkora a to kombela msanje, e tutuma eya wulela mkorani eya ti wisa minengeni ka Paulo ni Silasi, na a txi dhudhumela.

1 Samuwele 16:4

Samuwele koko, a to maha tile a nga gelwa ngu Mkoma, se eya Bhethehema. Sekoko madhota a didhoropani ma to huma me mu hingeta, va txi dhudhumela, va txi kha vona: Ina wuta ngu kudikha kani?

Habhakuki 3:16

Ni di ti engisile ani, mndani kwangu kudhuka, ngu dipswi dakwe txisofu txangu txi dhudhumete; kuwulete kusina marambuni kwangu, se ni dhudhumela mndani kwangu; na humula ani ka ditshiku do pandiseka, ngako ni txi nata lwa ni vathu vale va nota hi hoxota.

Isaya 66:2

Nguko dianza dangu di mahile sotshe simaho siya, se sotshe simaha siya si to mahwa, kuwomba Mkoma; aniko wonani awu ni no muwona: Ka txisiwana, ni wule wo xaniseka moyani, kambe a dhudhumelako masoni ka dipswi dangu.

Masalmo 38:9

Mkoma, awe wa kuziva kotshe kuvilela ka mbilu yangu; ni tingumo tangu kha ti sisaleki kwako!

Vafilipiya 2:12

Ngu konaho vo randeka ngutu kwangu, anu mi engisisako yotshe mbimo, thumani ngu txithavo ni kudhudhumela mi thumela kuhanyiswa kwanu, i si nga kumaha eto dwe, ngako ni di kumweko ni nanu, aniko ngutu-ngutu konkuwa ni ku kule ni nanu.

Matewu 28:8

Se vona va di khukhile ha diyivani ngu kukuluveta, na va di tate ngu kuthava ni litsako la hombe, va to tutuma veya zivisa vagondiswa vakwe.

Hoseya 13:1

Mbimo yile Efrayime a txi womba-womba, ku ti ti dhudhumelwa; a guletilwe kona Israyeli; kambe ene a ti ningile m'nandu ngu Bhahali se a txi fa.

Hoseya 5:3

Ani na m'ziva Efrayime, ni Israyeli kha sisali masoni kwangu; nguko konkuwa, awe Efrayime, u mahile wugelegele, se u ningetile Israyeli.

Masalmo 66:16

Ngonani mi ta engisa, motshenu mi kholwako ka Txizimu! Ni nata mi xawutela atile txona txi nga ni mahela!

Luka 8:46

Kambe Jesu a ti khene: “Ku ni m'thu wu a nga ni gwesa, nguko ni ti pfite ngu mtamo wu nga huma kwangu.”

Luka 8:48

Se Jesu a txi khene kwakwe: “Mwanangu, kutumela kwako ku ku hanyisile; tsula ngu kudikha.”