Luka 8:44 - Bhiblia Yo Sawuleka

⁴⁴ A to tshuketela Jesu ngu msana, e gwesa wuziva wa nguwo yakwe, se wulwati wakwe wu ema konako.

Luka 8:44 Referans Kwoze

Dhewuteronome 22:12

U na maha makhatxa, u ma rungela ka mune wa titshulu ta didhamba dile u fenengelako.

Mithumo 19:12

Ahawa ka kuza vathu ve teka mafadhuko ni tinguwo ti ti nga ti gwesile mmidi wakwe, ve ti kapeka txitimwi ka valwali, se vona ve kalamuka ka malwati awe, ni mimoya yo biha yi huma kwawe.

Malakiya 4:2

Aniko kwanu anu mi thavako ditina dangu, ku na huma ditambo da wululamo, se wuhulukisi wu na va hahatshi ka tibhapi ta dona; kambe mi na huma mi txi ndaka-ndaka ku nga marole hahanze ka txibala.

Johani 5:13

Aniko awu a nga hanyiswa a ti si mu zivi, nguko Jesu a ti khukhile hagari ka dibutho di di nga ti konaho.

Luka 13:13

Se a to msanzeka manza txitimwi, koneko wamsikati a so lulama, e dhumisa Txizimu.

Luka 7:38

Se a di zumbile ngu msana kwakwe, a txi dila, a to khata ku nakanisa mikondo ya Jesu ngu mirongo, a txi yi bahulela ngu misisi, a txi yi pswopswa, ngu msana a txi yi totela mafura ale o bhumula.

Marku 6:56

Kambe kotshe hawa a wulelako kona, mikhokholani ni madhoropani mwendo mu tithembweni, va ti ti veka va va lwalako, mitendelani, se ve mkombela ti to e va tumelela kugwesa, hambi i di wuziva wa nguwo yakwe. Se votshe va va nga txi mu gwesa, va ti hanyiswa.

Matewu 20:34

Jesu ngu kutalelwa ngu wumbilu, a to va gwesa mu ka maso awe, kunukunuko vona va to tshumela ve wona, se ve mu londisa.

Matewu 8:3

Sekoko Jesu a to nawuluta dianza dakwe a txi mu gwesa, a txi khene: “Na ti lava, basiswa awe.” Kunukunuko a to basiswa ka tshekela yakwe.

Eksodha 15:26

Se a txi khene: “Ngako u txi engisisa kha kwati dipswi da Mkoma, Txizimu txako, ni kumaha ti i ku to lulama masoni kwakwe, kambe u txi dingeta nzeve yako ka sirumo sakwe, ni kuvekisa sotshe sileleto sakwe, kha ni na mbi rumela malwati ni a mamwewo txitimwi kwako, ale ni nga ma veka txitimwi ka Vaegipta; nguko ani ngani Mkoma, ni ku kalamukisako.”

Mithumo 5:15

Ahawa va nga txi tisa valwali ve ta va veka tinzilani, va di va otelisile ha matahoni ni ha madhandoni, kasiku Pedro, mbimo yi a pindako, a na fenengeta vamwani ka vona hambi ngu mtsudi wakwe.

Matewu 9:20

Sekoko, mmweyo wamsikati a nga ti xupheka ngu malwati a lingolengole, ngu txipimo txa digumi da malembe ni mambidi, a to mtshuketela ngu msana, e gwesa wuziva wa nguwo yakwe.

Luka 8:43

Jesu a di ngadi a txi ya kona, vathu votala va to mu kamanyeta. Se wamsikati wokari, a nga ti ni malwati a lingolengole, awu a nga lwala digumi da malembe ni mambidi, a txi heta male yakwe yotshe ngu vadhokodhele, aniko ni wammweyo kha sikota ku mu hanyisa.

Luka 8:45

Jesu a to wotisa a txi khene: “I mani a nga ni gwesa kani?” Votshe va kanetile. Pedro a ti khene: “M'gondisi, u randetwe ngu dibutho, di txi ku kamanyeta.”