Luka 8:43 - Bhiblia Yo Sawuleka

⁴³ Jesu a di ngadi a txi ya kona, vathu votala va to mu kamanyeta. Se wamsikati wokari, a nga ti ni malwati a lingolengole, awu a nga lwala digumi da malembe ni mambidi, a txi heta male yakwe yotshe ngu vadhokodhele, aniko ni wammweyo kha sikota ku mu hanyisa.

Luka 8:43 Referans Kwoze

Luka 13:16

Ina awuwa wamsikati, i ku mwanana wa Abrahamu, awu a nga ti sungilwe ngu Sathani ngu malembe a digumi ni mtxhanu ni mararu, ti sa fanela ku e thukunyulwa ngu ditshiku da Sabbata kani?”

Johani 9:1

Ngako Jesu a txi pinda, a to wona m'thu wa dibhofu, kukhukhela kuvelekwani kwakwe.

Luka 13:11

Se a ti ti ho konaho wamsikati a nga ti ni moya, wu nga txi mu lwalisa malembe a digumi ni mtxhanu ni mararu; a ti dombekile e tandeka ni kululama.

Luka 8:27

Ku ti ngako Jesu a di jatamile hahatshi, a to manana ni wamwamna wa didhoropa dileya, awu a nga ti wuleletwe ngu madhimoni, na a sa ambala txilo: Awu kambe a nga si zumbi nyumbani, aniko a ti hanyela mayivani.

Isaya 2:22

Tsulani kule koko ni m'thu wu a ku ni muhefemulo tithonvuni kwakwe; nguko a nga va a txi themba txani kani?

2 Makronika 16:12

Ngu dilembe da magumi mararu ni mtxhanu ni mune da kufuma kwakwe Asa, a to khatwa ngu malwati a minenge, yi di ni silonda so thisa ngutu, hambi keto kha lava Mkoma, kambe a to lava tiñanga.

Mithumo 4:22

Nguko m'thu wu a nga hanyiswa ngu txixamalisotxo i ti wa malembe awa ma pindako mune wa magumi.

Mithumo 3:2

Ha txikeni ka Dithepele, ahawa ku nga ti dhanwa ku Txike txo Tshura, a ti ti ho m'thu wokari, a nga velekwa i di txidiya, awuwa va nga txi tolovela ku mu gula, otshe masiku, va ta mu veka kona hale, kufela ku e kombela sa kuhiwa ka vale va nga txi wulela Dithepeleni.

Johani 9:21

Aniko ati ti nga mahisa tona kala a txi mana kuwona, kha hi ti zivi, hambi ni wule a nga mu tula maso, kha hi m'zivi. Nene mbwa hombe, mu wotiseni, a na ti xamulela apune.”

Marku 9:18

Hani ni hani wu mu ñolako, wo mu ginyalata hahatshi, se ene e pupumela diphutu, e gegeresela makwasa se a txi oma sihango. Ni kombete vagondiswa ti to ve wu tovela, kambe va tandekile!”

Masalmo 108:12

Hi vhune kuxula valala vathu, nguko txivhuno txa vathu kha txi nyawuli.

Jobe 13:4

Kambe anu koko, mi vasiki va makuhu, anu motshenu kha mi nga tiñanga ta txilo.

Marku 12:44

Votshe vamwani va vekile male, na yi txi khukhela kutalelwani kwawe; kasi ene, kupwatani kwakwe, a ningete sotshe simaleana si a nga ti naso, asi a nga ti fanela kuhanya ngu sona.”

Luka 8:42

nguko a ti ni mwanana wa txihoranana wammweyo ekha, wa tanga yo lava kuhoka ka digumi da malembe ni mambidi, a nga ti hafuhi ni kufa.

Luka 8:44

A to tshuketela Jesu ngu msana, e gwesa wuziva wa nguwo yakwe, se wulwati wakwe wu ema konako.