Luka 8:41 - Bhiblia Yo Sawuleka

⁴¹ Se kutota wamwamna wu a dhanwako ku i Jayiro, awu i nga ti mthangeli wa disinagoga, a txi ti wisa minengeni ka Jesu, e mkombela ku e wulela nyumbani kwakwe

Luka 8:41 Referans Kwoze

Mithumo 18:8

Krispo, mthangeli wa disinagoga a to kholwa ka Mkoma ene ni yotshe ngamu yakwe; ni Vakorinto vavangi, ngako va txi engisa Paulo, va to kholwa ni vona, ve bhabhatiswa.

Mithumo 13:15

Msana ka kugondwa dibhuku da Mlayo ni Vaprofeti, vathangeli va disinagoga, va to rumela dipswi, va txi kha vona: “Vanathu, ngako mi di ni dipswi do laya vathu, mi ngadi womba.”

Luka 13:14

Kambe mthangeli wa disinagoga a to henya, nguko Jesu a nga hanyisa m'thu ngu Sabbata. Se e gela vathu a txi khene: “Ku na ni masiku a mtxhanu ni dimwedo, ayawa vathu va tumelelwako kuthuma ngu ona; ngonani ngu ona mi ta hanyiswa, i si nga ngu ditshiku da Sabbata.”

Luka 8:49

Ku ti ngako a di ngadi a txi womba-womba, ku to bwaka mmwani wa kuta ngu nyumbani ka mthangeli wa disinagoga, a txi khene kwakwe: “Mwanana wako a fite. U nge ngadi u txi karata M'gondisi.”

Mtuletelo 5:8

Mbimo yi Txinvutana txi nga amukela dibhuku, sivanga so hanya sa mune ni madhota a magumi mambidi ni mune va to nama masoni ka Txinvutana, dimwedo ni dimwedo di di ni harpa ni siyana so mahwa ngu nzalama, si di tate ngu dibaselo, i ku mikombelo ya vasawuleki,

Mithumo 18:17

Sekoko votshe va to ñola Sostene, mthangeli wa disinagoga, ve mu peka masoni ka dibanza, aniko Galiyo kha khatala ngu tona.

Mithumo 9:38

Se ngako Lidha i nga ti hafuhi ni Jopa, vagondiswa, va di engisile ti to Pedro waho, va to ruma vavamna vambidi, kuya m'dhana, va txi kha vona: “Kuluveta u txi ta kheno kwathu.”

Luka 17:16

A ti ya khizama minengeni ka Jesu, a txi mu bonga. Aniko ene i ti Msamariya.

Luka 5:8

Simoni a di woni tiya, a to ti wisa minengeni ka Jesu, a txi khene: “Mkoma, khukha hawa kwangu, nguko ani ni muonhi!”

Johani 11:21

Marta a to womba ka Jesu, a txi khene: “Mkoma, idiku awe u ti ti ho ahawa, ndiyangu nga a sa fa.

Luka 8:42

nguko a ti ni mwanana wa txihoranana wammweyo ekha, wa tanga yo lava kuhoka ka digumi da malembe ni mambidi, a nga ti hafuhi ni kufa.