Luka 8:39 - Bhiblia Yo Sawuleka

³⁹ “Tshumelela ka va ka kwanu, u txi ya xawutela totshe ti Txizimu txi nga ku mahela tona.” Se ene a to tsimbila ka dotshe didhoropa e huwelela totshe ti Jesu a nga mmahela tona.

Luka 8:39 Referans Kwoze

1 Timoti 5:8

Awu asi khataleliko maxaka akwe, ngutu-ngutu ava i ku va mwaya wakwe, eyo a kanetile likholo, a bihile ngutu kupinda dihedheni.

Johani 4:29

“Ngonani mi ta wona m'thu wu a nga ni gela totshe ti ni nga ti maha. Ina hi nga ene Mesiya kani?”

Dhewuteronome 10:21

Mkoma ngene i ku wudhumo wako ni Txizimu txako, awule a nga ku mahela simaha sa hombe, so xamalisa, asi u nga si wona ngu maso ako.

Marku 1:45

Kambe ene, neti a nga huma, a to khata kuhuwelela, asi malali, e hangalasa mahungu ale, se Jesu e tandeka ni kuwulela ka m'ti wuhi ni wuhi, na ti txi ziwa; aniko a ti zumbela hahanze, ekhalela, se vathu ve huma ngu ka otshe makhalo ve ta kwakwe.

Masalmo 66:16

Ngonani mi ta engisa, motshenu mi kholwako ka Txizimu! Ni nata mi xawutela atile txona txi nga ni mahela!

Marku 5:18

Jesu ngako a di bete ngalavani, m'thu wu a nga ti ni madhimoni a to mkombela kuzumba nayo.

Marku 5:19

Aniko Jesu kha mtumelela, a to khene kwakwe: “Tsula mwani, ka va ka kwanu, u ya zivisa totshe ti Mkoma a nga ku mahela tona, ngu ku kupfela wusiwana.”

Luka 8:38

Se m'thu wuwa madhimoni ma nga huma kwakwe, a to mkombela kutsula nayo, aniko Jesu a mu tshumetile a txi khene:

Luka 8:40

Ku ti ngako Jesu a di tshumete, a to amukelwa ngu dibutho, nguko votshe va ti m'verete.