Luka 8:32 - Bhiblia Yo Sawuleka

³² Mtxhambi wa hombe wa tikhumba wu ti ti ho mmangoni, wu txi dya. Se madhimoni ma to mkombela ti to e tumela ku ma txi wulela ka tona. Se ene a to ma tumelela.

Luka 8:32 Referans Kwoze

Isaya 66:3

A wule a dayako homu, a fana ni wule a dayako m'thu; awu a phaxako ngu txinvutana, a fana ni wule a dayako yimbwa; awu a ningelako sa thembweni a fana ni wule a ningelako mnoha wa khumba; awule a hisako dibaselo a fana ni wule a khozelako txithombe; ni vona vava va ti langela tinzila tawe vapune, se muhefemulo wawe wa tsaka ngu wubihi wawe.

Isaya 65:4

ve khalahatsha hafuhi ni mathita, ve heta wusiku wotshe ka makhalo a sihuja, va txi dya nyama ya khumba, ve nyamisa timbiya tawe ngu sakudya so yila.

Mtuletelo 20:7

Ngako ma di tshanganile malembe yale a digumi da mazana, Sathani a na thukunyulwa kusungwani kwakwe,

1 Johani 4:4

Sivananananu, anu mi va Txizimu, se mi xute vaprofeti va makuhu. Nguko Moya wu wu ku kwanu mbwa hombe kupinda wule wu ku ka vathu va ha ditikoni.

Johani 19:11

Jesu a to xamula a txi khene: “Nga u si nga ni mtamo txitimwi kwangu, idiku u sa wu ningwa ngu ni txitimwi. Ngu toneto, awu a nga ni ningela kwako ana ni txionho txo pindisa.”

Masalmo 62:11

Ka sikhati sasingi ni engisile mapswi awa Txizimu txi nga womba txi txi kha txona: “Mtamo wu lumba Txizimu.”

Jobe 2:6

Se Mkoma a to khene ka Sathani: Ndiyoyo a manzani kwako; aniko veketa wutomi wakwe.

Jobe 1:12

Se Mkoma a to khene ka Sathani: Wona ti taku, sotshe a ku naso si manzani kwako; wo lamba walo kusanzeka diwoko dako. Se Sathani a to khukha masoni ka Mkoma.

Jobe 1:10

Ina awe khwa mranganyeta ngu tithomba, ni nyumba yakwe, ni sotshe sile a ku naso kani? U katekisile mithumo ya manza akwe, wufuyi wakwe wa anda ha mafuni.

1 Vafumeli 22:22

Se moya wule wu to kha wona ni na huma ni maneka ni di moya wa makuhu, ngu sisofu sa votshe vaprofeti vako. Se Mkoma a to khene: Awe u na ya mxenga kambe u na ya zumba; huma u txi ya maha tona eto.

Levhi 11:7

khumba, yi ku ni txitsendo txo bhandiswa, si maha sitsendo simbidi aniko kha yi nyengi; ti pimeni ti to ya yila;

Matewu 7:6

“Mi nga thukeni mi ninga timbwa silo si si nga sawulwa, hambi kutshotsha tidhayimana tanu ka tikhumba, kasiku ti si ti kandeteli ngu mikondo, ti mi wukela, ti txi mi vhandamulela ngu makwasa.”

Luka 8:31

Se ona ma to mkombela ti to asi ma yisi diphalani ko mbi gwita.

Luka 8:33

Se madhimoni ma to huma ka m'thu wule, me wulela tikhumbani, se mtxhambi wa tikhumba wu to tutuma wu ya ti vinza lineneni, wu mbembemela konamo.