Luka 8:3 - Bhiblia Yo Sawuleka

³ Jowana, msikati wa Kuza, nduna ya Herodha; ni Suzana ni vamwani vavasikati, va nga ti ti va vhuna ngu silo sawe.

Luka 8:3 Referans Kwoze

1 Timoti 5:10

Ta laveka ti to e ziwa ngu mithumo yakwe ya yinene; kufana ni kuwunja vanana ngu nzila ya yinene, kuamukela vapfhumba, kukuwula mikondo ya vasawuleki, kuvhuna ava va xanisekako, ni kutiningetela ka yotshe mithumo ya yinene.

Vafilipiya 4:22

Vasawuleki votshe va mi dingula, ngutu-ngutu ava i ku va nyumba ya Khezari.

2 Vakorinto 8:9

Ma wu ziva wunene wa Mkoma wathu Jesu Kristu. Ene hambiko i ku nyamne wa sotshe, a ti mahile txisiwana, kasiku anu mi txi mana sotshe ngu mhaka ya wusiwana wakwe.

Matewu 26:11

Kha ditshuri, sisiwana mi na va naso yotshe mbimo, kasi ani kha mi na mbi va ni nani yotshe mbimo.

Matewu 25:40

“Se Mfumeli a na va xamula a txi khene: ‘Kha ditshuri na mi gela ti to khani: Yotshe mbimo yi mi nga ti maha eto ka mmweyo wa vanathu vavadotho, mi mahete ani nipune’.

Matewu 2:11

Se va di wulete nyumbani, va mani mwanana ni mame wakwe Mariya, se va to khizama, ve mu khozela; va di tute mikwama yawe va to mluva ngu nzalama ni dibaselo ni mira.

Isaya 23:18

Se wukwewu wa dona wu na lumba Mkoma, ni wugwili wa dona wa wugelegele; kha ku na mbi va ni thomba hambi kutsiwa; aniko wukwewu wa dona wu na lumba ava va zumbako masoni ka Mkoma, kasi ku veva ni sakudya so enela, ni syambalo sa lisima.

1 Makronika 29:14

Nguko ngani mani ani, ni vathu vangu mba mani, vaku hi nga sikota kuninga simaha so fana ni siya, ngu kuranda kwathu kani? Nguko sotshe sita ngu kwako, se ha si ningela manzani kwako.

Luka 24:10

Ava va nga bikela Vapostoli timhaka tiya, i ti Mariya wa Magdhala ni Jowana, ni Mariya, mame wa Jakobe ni vamwani va nga ti navo.

Mithumo 13:1

Ka Dibanza da Antiyokiya ku ti ti ni vaprofeti vokari ni vagondisi: I ti Bharnabhasi ni Simiyoni, awu a dhanwako ku i Nigere, ni Lukiyo wa Kirene, ni Manaheni, awu a nga kula kumweko ni mfumeli Herodha, ni Sawule.

Matewu 14:1

Ka yoneyo mbimo, mfumeli Herodha, a di engisile nduma ya Jesu,

Matewu 14:3

Nguko Herodha a ti ñote Johani a txi mu sunga e mu khotela mkorani, ngu mhaka ya Herodhiya, msikati wa Filipi, mnanda wakwe.

Matewu 14:6

Ngu ditshiku da kutshanganisa malembe a kuvelekwa ka Herodha, mwanana wa muhorana wa Herodhiya a sinyile hagari ka vathu, e tsakisa Herodha.

Matewu 20:8

Na ku txi khata kumaha minova, nyamne wa thembwe ya mivhinya, a to gela mxayisi wa tithomba takwe a txi khene: ‘Dhana sithumi u txi si holela nthumo wa sona, aniko u na khata ngu vale vo gwitisa, kala u txi ya gwitisa ngu vale vo khata.’

Matewu 27:55

Konaho kambe ku ti ti ho vavasikati votala, va txi wonetela tiya va di kule, avava, kukhukhela Galileya, va nga ti londetela Jesu, na va txi mu thumela.

Johani 12:6

Ene a wombisile eto, i si nga ngu kuthela kota ngu sikulungu, aniko nguko i nga ti dikhamba da kupa asi si nga txi vekwa msavani, nguko i ti ene, i nga ti mñoli wa wona.