Luka 8:29 - Bhiblia Yo Sawuleka

²⁹ Ene a wombile tiya nguko Jesu a ti rumile moya wu wo biha kuhuma ka m'thu wule. Moya wule i ti kale wu txi mu xanisa, a txi zumba a di sungilwe ngu titxhini ni makhodha, kambe ene e si bhenula e rethelwa txiwulani ngu didhimoni.

Luka 8:29 Referans Kwoze

Luka 9:42

A di ngadi a txi tshuketa, didhimoni di to mu ginyalata, di txi mu dhudhumelisa, kambe Jesu a to dhusa moya wule wa nzambwa, se e hanyisa mwanana e mningela ka tate wakwe.

Luka 9:39

Ngako moya wu txi mñola, koneko wo kwangula, a txi dhudhumela, e pupuma diphutu, wu txi mu ginyalata, wu si tumeli ku mu leka, hambiko wu nga mu karata ngutu.

Marku 5:8

Nguko Jesu a ti khene kwakwe: “Huma ka m'thu wuwa, awe moya wa nzambwa.”

Luka 8:28

Ku ti ngako a di woni Jesu, a to kwangula e ti wisa hahatshi masoni kwakwe, a txi womba ngu dipswi da hombe a txi khene: “I mhaka muni ni ku nayo ni nawe, Jesu, Mwanana wa Txizimu Nyatxitimwi? Na ku kombela, u nga ni xanise.”

Luka 8:30

Jesu a mu wotisile a txi khene: “U mani ditina dako kani?” Ene a txi khene: “Ni Txikwata.” Nguko madhimoni o tala ma ti wulete kwakwe.