Luka 8:24 - Bhiblia Yo Sawuleka

²⁴ Se va to tshuketela ve mu wusa va txi kha vona: “M'gondisi, ha lova!” Se a to wuka a txi ema, a txi malata moya ni kuvhiluka ka mkutxu wa mati. Se si malate, ku txi va ni kutenga.

Luka 8:24 Referans Kwoze

Luka 4:39

Se Jesu a to nama txitimwi kwakwe, a txi dhusa txindeyandeya txi mu leka; se ene kunukunuko a to wuka e va thumela.

Luka 5:5

Simoni a to angula a txi khene: “M'gondisi, hi thumile wotshe wusiku, kambe kha ha mana txilo; aniko ngako u rumako, ni na rinza tikoka.”

Nahume 1:4

Mkoma wa tolovela kukawuka linene, a txi li omisa, kambe wa phwisa yotshe minambo; wa tsivata Bhasani ni Karmeli, se txiluva txa Libhanoni wa txi wunisa.

Masalmo 65:7

Awe wa malata kubhonga ka mati a linene, ku gobhoza ka mavimbi ni diguwa da vathu.

Matewu 14:30

Aniko txikhati txi a nga pfa diphuho kuvhukuka, a to telwa ngu dizowa, e khata kubhwabhwamela, e peka huwa, a txi khene: Mkoma ni hulukise!”

Jeremiya 5:22

Ina kha mi ni thavi kani? Kuwomba Mkoma; kha mi na mbi dhudhumela masoni kwangu kani? Ani wu ni nga veka mtxhefa kuva muhingano wa Linene wa kala kupinduka, ti taku li si sikoti ku wu ndaka. Hambi mavimbi ma txo peka ngu mtamo kha ma sikoti ku wu xula; hambi li nga dhindadhinda ngu mtamo kha li na mbi pinda.

Isaya 50:2

Ngu kutxani ni ngata ni si ta mana m'thu kani? Ngu kutxani ni nga mi dhana, ku si oroveli ni wammweyo kani? Ina dianza dangu di to khwanyela, niza ni si sikoti kutirula kani? Ni ku mwendo kha ni ngadi ni mtamo kasi kutxhatxhisa kani? Wonani taku, ngu kukawuka kwangu na omisa linene, ni maha ti to minambo yi hunduluka yiva siwula, kala kuza sihaka sa kona si nunga, nguko kha ku nga ni mati, se sa fa ngu ditora.

Matewu 8:25

Vagondiswa vakwe va to mtshuketela, va txi mu wusa va txi kha vona: Mkoma hi hulukise, ha lova.”

Marku 4:39

Se ene a to wuka e dhusa diphuho, a txi khene ka digova: “Malala, u txi dwe!” Se diphuho di renga, se ku va ni kudikha ka hombe.

Luka 4:35

Se Jesu a to wu dhusa, a txi khene: “Malala, u huma kwakwe.” Ngako didhimoni di di mu ginyalatile hagari kwawe, di to huma kwakwe di sa mu maha phango.

Luka 8:25

Se a txi khene kwawe: “Kukholwa kwanu ku hani kani?” Vona va to telwa ngu dizowa, ve gelana va txi kha vona: “I mani wu a malatako moya ni linene, si txi mu engisa, kani?”