Luka 8:21 - Bhiblia Yo Sawuleka

²¹ Kambe ene a to xamula a txi khene kwawe: “Mame wangu ni vanathu ngu va va engisako Dipswi da Txizimu, ve di thumisa.”

Luka 8:21 Referans Kwoze

Jakobe 1:22

Aniko, mahani valondeteli va dipswi, mi nga ti maheni vaengisi va dona dwe, nguko eto mo ti kanganyisa mipune.

Johani 13:17

Ngako mi txi tiziva tiya ni ku ti thuma, mi katekile.”

3 Johani 1:11

Wo randeka, u nga etsetele wubihi, aniko etsetela wunene. Awu a mahako wunene, a lumba Txizimu; awu a mahako wubihi, kha txi wona Txizimu.

1 Johani 2:29

Ngako mi ti zivako ti to ene a lulamile, ti ziveni ti to wuhi ni wuhi a mahako to lulama, a velekilwe ngu ngene.

2 Vakorinto 6:18

“Aniko ni na va Tate wanu, anu mi na va vanana vangu va mazambi ni vamahorana,” kuwomba Mkoma wa Mtamo wotshe.

Luka 8:15

Ati ti nga wela ha mafuni ka kunene, ngu va va nga engisa Dipswi ngu mbilu ya yinene ni yo lulama, ve di xayisa, ve veleka mihando ngu kutimisela.”

2 Vakorinto 5:16

Ngu toneto, kukhukhela konkuwa, awalo wu hi m'zivako ngu kuwona nyama yakwe. Hambi Kristu hi di m'zivisile toneto, kambe konkuwa hi nga tona ti hi m'zivisako tona.

Johani 20:17

Jesu a to khene kwakwe: “U nga ni gwese, nguko kha ni nzi kuya ka Tata. Aniko tsula ka vanathu, u txi ya va gela, u txi khawe: Na kwela, ni ya ka Tate wangu, i ku Tate wanu; ka Txizimu txangu, i ku Txizimu txanu.”

Matewu 25:40

“Se Mfumeli a na va xamula a txi khene: ‘Kha ditshuri na mi gela ti to khani: Yotshe mbimo yi mi nga ti maha eto ka mmweyo wa vanathu vavadotho, mi mahete ani nipune’.

Matewu 17:5

Ene a di ngadi a txi womba tiya, ku to humelela direfu do woninga, di nga va fenengeta, se direfuni mule ku to pfala dipswi, di di nga womba tiya: “Awuwa i Mwanana wangu wo randeka ngutu, awu ni tsakiswako ngutu ngu ngene. Mu engiseni!”

Matewu 28:10

Sekoko Jesu a to va gela a txi khene: “Mi nga thaveni txilo, tsulani mi ya gela vanathu ti to ve tsula Galileya, va na ya ni wonela kona.”

Matewu 25:45

Sekoko ene a na va angula a txi khene: ‘Kha ditshuri na mi gela ku khani: Yotshe mbimo yi mi nga leka ku ti maha tiya ka mmweyo wa vanathu vavadotho, ni nani kha ma ni mahela.’

Luka 8:20

Se va to mu zivisa va txi kha vona: “Mame wako ni vananu va emile hahanze, va lava ku kuwona.”