Luka 8:2 - Bhiblia Yo Sawuleka

² Vapostoli va Digumi ni Vambidi va ti kumweko nayo, kufana ni vavasikati vokari, va nga ti hanyisilwe ka mimoya yo biha ni ka mipando. Ka vona ku ti ni Mariya, a dhanwako ku mbwa Magdhala, awu ma nga humiswa kwakwe mtxhanu wa madhimoni ni mambidi;

Luka 8:2 Referans Kwoze

Marku 16:9

Ngako a di wukile ni mixo ya ditshiku do khata ka divhiki, a to thanga e woneka ka Mariya wa Magdhala, awu a nga ti tovete kwakwe mtxhanu wa madhimoni ni mambidi.

Johani 19:25

Hafuhi ni txihambano txa Jesu, a ti ti ho Mame wakwe ni mwanawe Mame wakwe, ene Mariya, msikati wa Kleyopasi, ni Mariya wa Magdhala.

Mithumo 1:14

Vona votshe va ti simama ve khongela ngu mbilu yimweyo kumweko ni vavasikati vokari, ni Mariya mame wa Jesu ni vanawe.

Luka 23:55

Sekoko, vavasikati vale va nga ti tile kumweko ni Jesu ngu Galileya va to longoloka ni Josefa veya wona diyiva ni kuwona kambe ati va nga vekisa tona txirumbi txa Jesu.

Luka 23:49

Votshe va va nga ti zivana nayo ni vavasikati va va nga ti mu londetela kukhukhela Galileya, va to ema ngu kule, va txi wonetela totshelele tiya.

Luka 23:27

Va txi mu londetela vathu votala, ni vavasikati vokari, va nga txi peka tihuwa, va txi mu dilela.

Luka 8:30

Jesu a mu wotisile a txi khene: “U mani ditina dako kani?” Ene a txi khene: “Ni Txikwata.” Nguko madhimoni o tala ma ti wulete kwakwe.

Marku 16:1

Ngako ditshiku da Sabbata di di pindile, Mariya wa Magdhala ni Mariya, mame wa Jakobe, ni Salome, va to xava mafura kasiku veya mu tota ngu ona.

Matewu 4:24

Sekoko nduma yakwe yi to pfala kotshelele Siriya. Ve va tisa kwakwe votshe va va nga ti lwala ngu mipando yihi ni yihi, ava va nga txi xaniswa ngu malwati ni simwani sikarato, va madhimoni ni va vo tshanuka, ni silima; se ene a txi va hanyisa votshe.