Luka 8:10 - Bhiblia Yo Sawuleka

¹⁰ Ene a ti khene kwawe: “Anu mi ningilwe kuziva misisalo ya Mfumo wa Txizimu, kambe vamwani va gelwa ngu sidinganiso, tito, hambi va txi wona, va si wonisisi, hambi va txi engisa, va si ti pimi.”

Luka 8:10 Referans Kwoze

Isaya 6:9

Sekoko ene a nje khene: Tsula u ya gela vathu vava, u txi khawe: Mi na engisa, aniko kha mi na mbi ti pima; kha ditshuri mi na wona, aniko kha mi na mbi wonisisa.

Marku 4:11

Se a txi khene kwawe: “Anu mi ningilwe kuziva misisalo ya Mfumo wa Txizimu, kasi ka vale va ku hahanze, totshe ti humelela ngu sidinganiso,

Matewu 11:25

Ka yoneyo mbimo, Jesu a txi khene: “Na ku bonga, awe Tata, Mkoma wa nzuma ni mafu, nguko u sisile timhaka tiya ka vazivi ni ka titxhari u txi ti wonekisa ka vavadotho.

Jeremiya 5:21

Engisani koko, anu vathu vo bharuka, mi singako ni mapimo, mi ku ni maso ma si woniko, ni tinzeve ti si engisiko!

Isaya 44:18

Kha va zivi txilo, hambi kupfisisa txilo; nguko va vhalekile maso, kasi ku va si woni, ni mbilu kasi ku va si pimi txilo.

Vakolosa 2:2

kasiku timbilu tawe ti txi tsaniswa; se, ti di tshanganisilwe ngu lirando, ti na ningwa kutalelwa ngu kupfisisa ko hetiseka ni wuzivi wa misisalo ya Txizimu, i ku Kristu apune;

Varoma 16:25

Ka wule a ku ni mtamo wa ku mi tsanisa ka Evhangeli yangu, madingano ni kutxhumayela ka Jesu Kristu ni kuwonekeliswa ka msisalo wu wu nga ti tumbetilwe kukhukhela ka mbimo ya kale ni kale,

Matewu 16:17

Jesu a to mu xamula a txi khene: “U katekile, Simoni, mwana Jona, nguko hi nga m'thu wa ha mafuni a nga kukombekisa eto, aniko i Tate wangu a ku nzumani.

Masalmo 25:14

Mkoma a dhunda vale va mthavako ene wa va ninga kuziva Txitumelelano txakwe.

Dhewuteronome 29:4

Aniko, kala ka ditshiku da nyamsi, Mkoma a ti sanzi ku mi ninga mbilu yo pimisa, ni maso o wona, ni tinzeve to engisa ati ta ku khene:

1 Timoti 3:16

Na tsanisa ti to msisalo wa wukhongeli wathu mbwa hombe: “A wonekisilwe nga m'thu, a wombilwe wo lulama moyani, a wonwi ngu tingelozi, a nuwetwe hagari ka matiko, a tumetwe ha mafuni, a kwetisilwe txitimwi kudhumiswani.”

1 Vakorinto 12:11

Aniko totsheto ngu wona Moya wu wawumwewo dwe wu ti thumako, wu txi phakela ngu mmweyo ni mmweyo sihiwa sa wona, kota nga ti wu ti lavisako tona.

Johani 12:40

“A phumisile maso awe e bangisa timbilu tawe, kasiku va si woni ngu maso, ni ku va si pimi ngu timbilu tawe, kufela ku va si hunduluki, nani ni si va hanyisi.”

Isaya 29:14

Wona taku, ni na simama ni maha mthumo wo xamalisa hagari ka vathu vava; i ku mthumo wo xamalisa, kambe wo thisa, nguko wutxhari wa titxhari tawe, wu na fuva, ni mapimo a vathu vawe vo ziva, wu na sisala.

Ezekhiyele 12:2

Awe mwanana wa m'thu, u zumba hagari ka vathu va kutitsimba, va maso o dingana kuwona aniko kha va woni, kambe va ni tinzeve to dingana kuengisa aniko kha va engisi; nguko i nyumba ya kutitsimba.

Marku 4:12

ti taku, ‘Hambi i di kuwona ve wona kambe va si wonisisi; hambi i di kuengisa ve engisa kambe va si pfisisi; kasiku va si thuki ve hunduluka, se ve divalelwa sionho.’ ”