Luka 7:8 - Bhiblia Yo Sawuleka

⁸ Nguko ani ni ku m'thu wo fumwa ngu vamwani, nina ni masotxhwa, aawa nani ni ma fumako. Ngako ni txi gela dimwedo ka ona, ni txi khani: ‘Tsula’, dona da tsula; ka dimwani, ni txi khani: ‘Ngono kheno’, da ta, ka txithumi txangu, ni txi khani: ‘Thuma tiya’ txa ti maha.”

Luka 7:8 Referans Kwoze

Vakolosa 3:22

Anu sithumi, engisani vakoma vanu va ha mafuni ka timhaka totshe, va thumeleni, i si nga ngu mhaka ya ku mi woneleta, nga mo lava kutsakisa vathu, aniko thumani ngu mbilu ya yinene, ngu kuthava Mkoma.

Mithumo 23:17

Paulo a to dhana mmweyo wa vathangeli va dizana, a txi mu gela ku khene: Heleketa mfana wuwa ka mthangeli wa hombe, nguko ana ni mhaka a lavako ku yi womba kwakwe.

Mithumo 25:26

Ngako ni nga mbi mana mhaka yo tsana ya kubhalela mfumeli, ani ni mu veka masoni kwanu, ngutu-ngutu kwako, mfumeli Agripa, kasiku, msana ka kuva yi di wotisisilwe mhaka yakwe, ni sikota kuziva ati ni no bhala txona ngu ngene.

Mithumo 24:23

Se ene a to leleta mthangeli wa dizana kasiku e woneleta Paulo, a txi mninganyana kupepa ni kuva ku si tsimbwi vathu ku ta mxola.

Mithumo 23:26

“Klawudhiyo Lisiya, kwako mfumeli wa hombe Felikisi, xewe!”

Mithumo 23:23

Se mthangeli wa hombe yi to dhana tinduna timbidi ta ma dizana, yi txi ti gela ku kha yona: “Longisani 200 a masotxhwa, mtxhanu wa magumi ni magumi mambidi a vagadhi va mahantxhi, ni 200 wa vavamna va malaho, kasi kuve tsula Khezareya ngu txikhati txa wuraru txa wusiku.

Luka 7:7

se kha na tipfa ni di ni fanelo ya ku ku tela, aniko womba dipswi dimwedo dwe, kasiku txithumi txangu txi na hanya.

Luka 7:9

Ngako Jesu a txi pfa mapswi awa, a to xamala, a txi tshembereka a txi wonetela vathu vale va nga txi mu londetela, a txi khene kwawe: “Na mi gela ni khani: Kha ni nzi kumana likholo la hombe lo nga liya, hambi ka vathu va Israyeli.”

Mithumo 23:31

Masotxhwa, ngu kulondeta ti ma nga rumiswa tona, ma to teka Paulo, me mu heleketa ka Antipateri ni wusiku.