Luka 7:6 - Bhiblia Yo Sawuleka

⁶ Se Jesu a to tsula navo. Ngako a di hafuhi ni kuhoka m'tini ka nduna, yona nduna yi to rumela vangana kuya womba, va txi kha vona: “Mkoma, u nga ti xuphe u hoka kheno, nguko kha ni nga ni fanelo ya kuva u txi ta wulela nyumbani kwangu;

Luka 7:6 Referans Kwoze

Jakobe 4:6

Txona Txizimu txa hi ninga tikateko ta tingi ngutu, madingano ni dipswi da mibhalo, adi di wombako tito: “Txizimu txi lambela ava va ti kulisako, aniko txi ninga tikateko ta txona ava va kutiveka hahatshi.”

Marku 5:24

Jesu a to longoloka nayo na a txi londetelwa ngu vathu votala, va nga txi mu kama.

Luka 8:49

Ku ti ngako a di ngadi a txi womba-womba, ku to bwaka mmwani wa kuta ngu nyumbani ka mthangeli wa disinagoga, a txi khene kwakwe: “Mwanana wako a fite. U nge ngadi u txi karata M'gondisi.”

Jakobe 4:10

Ti vekeni hahatshi masoni ka Mkoma, se ene a na mi guleta.

Mithumo 10:38

ti to Txizimu txi totile ngu Moya wo Sawuleka ni kutsanisa Jesu wa Nazareta; awu a nga tsimbila a txi maha ta tinene, e hanyisa votshe vale va nga ti xaniswa ngu Sathani, nguko Txizimu txi ti ni nene.

Luka 5:8

Simoni a di woni tiya, a to ti wisa minengeni ka Jesu, a txi khene: “Mkoma, khukha hawa kwangu, nguko ani ni muonhi!”

Matewu 20:28

Nga toneto, Mwanana wa M'thu nene, kha tela ku ta thumelwa, aniko a tete ku ta thumela, ni kuningela wutomi wakwe, kasi kutirula vavangi.”

Matewu 3:11

Ani ni bhabhatisa ngu mati kasiku mi sikota kutilaya, kambe awule a tako msana kwangu, ana ni mtamo kupinda ani, se ani kha ni nga ni fanelo yo ñola hambi tikathula takwe. Ene a na mi bhabhatisa ngu Moya wo Sawuleka ni mndilo.

Mavingu 29:23

Kutikulisa ka m'thu ku na m'dayisisa, kambe awule a ku ni moya wo ti veka hahatshi, a na mana kudhundeka.

Luka 7:4

Mbimo yi vona va nga hoka ka Jesu, va to ya mkombela ngutu va txi kha vona: “Ana ni fanelo ya kumahelwa eto,

Genesisi 32:10

Ani kha ni nga ni fanelo yo mahelwa wotshe wuxinji, ni wotshe wunene awu u nga va nawo kwangu, ani txithumi txako. Ani ni ti kova ni mtxheketelo dwe, mbimo yi ni nga txhatuka mnambo wuwa wa Jordhani, se konkuwa ni na ni mitxawa yimbidi.

Luka 7:5

nguko wa dhunda va ka kwathu, kambe ngene a nga hi akela disinagoga.”

Luka 7:7

se kha na tipfa ni di ni fanelo ya ku ku tela, aniko womba dipswi dimwedo dwe, kasiku txithumi txangu txi na hanya.