Luka 7:47 - Bhiblia Yo Sawuleka

⁴⁷ Ngu mhaka ya toneto, na kugela ku khani: A divaletwe sionho sakwe sasingi, nguko a kombile lirando la hombe ngutu. Aniko awule a nga divalelwa sa sidotho, wo va ni lirando la lidotho.”

Luka 7:47 Referans Kwoze

1 Johani 4:19

Athu hi na ni lirando, nguko txi khatile Txizimu txi hi randa.

1 Johani 3:18

Sivananananu sangu, hi nga randeni ngu txisofu ni lidimi, aniko he randaneni ngu mithumo ni ditshuri.

Isaya 1:18

Sekoko ngonani, hi ta wombawombisana, kuwomba Mkoma: Hambi ngako sionho sanu si di mi bhilivilisile mi fana ni txiwunguwungu, si na basa kufana ni hunguva; hambi ngako si di bhilivilisile kunzihala, si na nga matoya o basa.

Vagalatiya 5:6

Nguko ka Jesu Kristu, wukwera hi nga wa txilo, hambi wukhutu ni wona hi nga txilo, hahanze ka likholo li li ti kombako ngu mithumo ya lirando.

Varoma 5:20

Mlayo wu tile kasi kuonha ku txi anda; aniko, ahawa kuonha ku nga anda kona, kateko yi andile ngu kupindisa;

Vaefesu 6:24

Makatekwa ma nave ni votshe va va randako Mkoma Wathu Jesu Kristu ngu lirando lo mbi onheka!

Isaya 55:7

M'bihi a na leke nzila yakwe, m'thu wa kwa mbi lulama a na leke mipimiso yakwe, se a na hundulukele ka Mkoma, ene a na mpfele wusiwana; a na tshumelele ka Txizimu txathu, nguko nja hombe ngutu mu ko divalela.

1 Johani 5:3

Nguko kuranda Txizimu ti womba kuveketa milayo ya txona; kambe milayo ya txona kha yi nemeli.

1 Timoti 1:14

Kambe kateko ya Mkoma wathu ni yi mani ngu kutala ka yona, ngu likholo ni lirando li li ku ka Jesu Kristu.

Vafilipiya 1:9

Ni kombela ti to lirando lanu li na kule ditshiku ni ditshiku, amu ka wuzivi ni wutxhari,

Mithumo 5:31

Txizimu txi mu guletile ngu dianza da txona da txinene txi txi mu maha Mkoma ni Muhanyisi, kasi ku ta tulela Israyeli nzila ya kuhunduluka, ni kudivalelwa ka sionho.

1 Johani 1:7

Aniko, ngako hi txi tsimbilela liwoningoni, nga txona txi ku liwoningoni, hi vamwevo ngu txathu, se mnoha wa Jesu, Mwanana wa txona wa hi basisa ka sotshe sionho.

Luka 7:39

Ngako a txi ti wona, mfarisi wu a nga mu dhanela sakudya, a to pimisa mbiluni kwakwe, a txi khene: “Idiku mamowa wo va mprofeti, a ndi na m'ziva wu wamsikati a m'gwesako, ti to i mani, nguko ene njionhi.”

Matewu 10:37

“Awule a randako ngutu tate mwendo mame wakwe kupinda ani, kha ni faneli. Awule a dhundako ngutu mwanana wakwe wa mfana mwendo wa dihorana kupinda ani, kha ni faneli.

2 Vakorinto 5:14

Lirando la Kristu la hi kurumeta, ngako hi txi pimisa ti to m'thu wammweyo a fete votshe, se ti di ngeto, votshe va fite.

Mika 7:19

A na tshumela u hi pfela wusiwana, a na lovisa sihambunyeto sathu, kambe a na rinza sotshe sionho sathu txizivani ka linene.

Ezekhiyele 16:63

ekasi ku u na alakanya, u txi wa tingana, khu na mbiswa kambe u tula txisofu txako, ngu mhaka ya tingana tako, mbimo yile hi no divalelana ni nawe, ka totshe tile u nga ti maha, kuwomba Mkoma.

Luka 7:46

Awe khwa ni tota msungo ngu mafura, aniko ene a ni totile mikondo yangu ngu mafura o bhumula.

Luka 7:48

Msana keto, a to gela wule wamsikati a txi khene: “U divaletwe sionho sako.”