Luka 7:46 - Bhiblia Yo Sawuleka

⁴⁶ Awe khwa ni tota msungo ngu mafura, aniko ene a ni totile mikondo yangu ngu mafura o bhumula.

Luka 7:46 Referans Kwoze

Masalmo 23:5

U ni lulamisela m'buso masoni ka valala vangu. U ni totile msungo wangu ngu mafura o bhumula u tata digombe dangu, di thekelela.

Ekleziyaste 9:8

Ambala syambalo so basa mbimo yotshe, ku nga thuke kupwateka mafura ha msungo kwako.

Matewu 6:17

Aniko awe, mbimo yi u ti tonako sakudya, tola mafura ha msungo kwako, u txi samba khoheni,

Dhaniyeli 10:3

Ni sidyi sakudya so dhundeka, nyama ni vhinya si si wuleli mkanani kwangu, kambe ni si toli mafura, kala kuza kuguma mavhiki mararu.

Masalmo 104:15

Vhinya yi yi va tsakisako timbilu, mafura awa ma va tshurisako tikhohe ni sakudya si si va ningako mtamo.

2 Samuwele 14:2

a to rumela vathu veya Tekowa, kuya teka wamsikati wa wutxhari, a txi ta khene kwakwe: Ti mahise u txi nga u to felwa; ambala syambalo sa mizila, u nga tole mafura, mahisa ku nga wamsikati wule a ku ni masiku amangi ni mizila ngu mhaka ya kufelwa.

Rute 3:3

Ngu mhaka yeto, samba, u txi tola mafura, u txi ambala simaha sako, u relela didhandoni, aniko u nga ti zivekise ka wamwamna, kala kuza a txi gwita kudya ni kusela.

Mika 6:15

Awe u na phaya, aniko khu na mbi funyela; u na kamela miolivha, anko khu na mbi tola mafura a kona; se ni mauvha, aniko khu na mbi yi sela vhinya ya kona.

Amosi 6:6

Mi selako vhinya ngu magombe, mi tola mafura a lisima, kambe mi ka pandiseki ngu ku wa ka Josefa:

2 Samuwele 12:20

Sekoko Dhavhidha a to wuka ngu hahatshi, e samba, e tola mafura, e txhitxha syambalo, e wulela Nyumbani ka Mkoma eya khozela; sekoko a to tshumelela nyumbani kwakwe eya kombela sakudya, ve m'vekela sakudya e dya.

Luka 7:47

Ngu mhaka ya toneto, na kugela ku khani: A divaletwe sionho sakwe sasingi, nguko a kombile lirando la hombe ngutu. Aniko awule a nga divalelwa sa sidotho, wo va ni lirando la lidotho.”