Luka 7:44 - Bhiblia Yo Sawuleka

⁴⁴ Se a txi tshembereka, a txi wonetela awule wamsikati, a txi gela Simoni ku khene: “Wa mu wona wu wamsikati, kani? Ni wulete nyumbani kwako, khwa ni ha mati a kusamba mikondo, aniko ene a nakanisile mikondo yangu ngu mirongo yakwe, a txi yi bahulela ngu misisi yakwe.

Luka 7:44 Referans Kwoze

1 Timoti 5:10

Ta laveka ti to e ziwa ngu mithumo yakwe ya yinene; kufana ni kuwunja vanana ngu nzila ya yinene, kuamukela vapfhumba, kukuwula mikondo ya vasawuleki, kuvhuna ava va xanisekako, ni kutiningetela ka yotshe mithumo ya yinene.

Valamuli 19:21

Se a to wuya navo nyumbani kwakwe, a txi ni nga lihawu ka timbongola; se vona va di sambile mikondo, va to dya ni kusela.

Genesisi 43:24

Msana keto, wamwamna wule a to heleketa vavamna vale m'tini ka Josefa, a txi ya va ninga mati ve samba mikondo yawe; kambe a ningile sakudya ka timbongola tawe.

Genesisi 19:2

a txi khene ka tona: “Anu vanyamne vangu, na mi kombela mi wulela nyumbani kwangu, ani txithumi txanu, mi na samba mikondo, mi txi otela wusiku wa nyamsi, ni mixo mi na teka kambe nzila yanu.” Aniko vona va xamute va txi kha vona: “Ahim-him, athu hi na otela hahanze.”

Genesisi 18:4

Ni na tisa mati amadotho, kasi mi nata samba mikondo, mi txi humula, mtsudini ka mndonga wuwa.

1 Samuwele 25:41

Sekoko ene a to khukha, e nama ngu khohe hahatshi, a txi khene: Wona, txithumi txako txa txisikati txi na maha txithumi txo sambisa mikondo ya sithumi sa nyamne wangu.

Jakobe 2:6

Aniko, anu mi nyenyile txisiwana! Se ina hi nga vanyatithombe va mi tsotsorolako kani? Vonavo va mi ndindako ve mi yisa kuthethiswani kani?

2 Samuwele 11:8

Msana keto, Dhavhidha a to khene ka Uriya: Kwetima m'tini kwako, u ya samba minenge yako. Se ngako Uriya a di humile nyumbani ka wukoma, koneko ku to huma siningo ngu ka mfumeli so ya ka Uriya.

Luka 7:38

Se a di zumbile ngu msana kwakwe, a txi dila, a to khata ku nakanisa mikondo ya Jesu ngu mirongo, a txi yi bahulela ngu misisi, a txi yi pswopswa, ngu msana a txi yi totela mafura ale o bhumula.

Luka 7:43

Simoni a nje khene: “Ani ni pimisa ti to ngu wule a nga divalelwa ngutu kupinda mmwani.” Se Jesu a txi khene kwakwe: “U xamute ditshuri.”

Johani 13:5

Msana keto, a to thela mati mu ka mkamba, e khata kusambisa mikondo ya vagondiswa e yi bahulela ngu dithawula di a nga ti di sungile txiwununi.