Luka 7:39 - Bhiblia Yo Sawuleka

³⁹ Ngako a txi ti wona, mfarisi wu a nga mu dhanela sakudya, a to pimisa mbiluni kwakwe, a txi khene: “Idiku mamowa wo va mprofeti, a ndi na m'ziva wu wamsikati a m'gwesako, ti to i mani, nguko ene njionhi.”

Luka 7:39 Referans Kwoze

Luka 7:16

Votshe va to telwa ngu kuthava ngutu, va txi dhumisa Txizimu, va txi kha vona: “Mprofeti wa hombe a humelete hagari kwathu, Txizimu txi endete vathu va txona.”

Luka 15:2

Aniko Vafarisi ni Vabhali va ti ti ngungurukela va txi kha vona: “Mamowa wa amukela vawomhi, a txi dya navo.”

Marku 7:21

Kha ditshuri, mndani timbiluni ka vathu, kuhuma mialakanyo yo biha: Wugelegele, wukhamba, kudaya,

Isaya 65:5

Se va txi kha vona: Khukha hawa, u nga tshukete hafuhi ni nani, nguko ani ni sawulekile ngutu kupinda awe. Avava mbutshi tithonvuni kwangu, mdilo wu wu turako ditshiku dotshe.

Johani 9:24

Ka wumbidi, va to engeta ve m'dhana m'thu wule i nga ti dibhofu, va txi kha vona kwakwe: “Dhumisa Txizimu! Athu ha tiziva ti to eyo m'thu muonhi!”

Johani 7:12

Se ku ti ni kukanetisana ka hombe hagari ka dibutho, vamwani va txi kha vona: “I m'thu wamnene.” Vamwani va txi kha vona: “Ahim-him, wa kanganyisa vathu.”

Johani 4:19

Wamsikati a to khene: “Mkoma, na ti wona ti to kasi u Mprofeti:

Luka 18:4

Ngu mbimo yayingi, ene a lambile ku mu engisa. Msana keto, a to pimisa ene apune, a txi khene: ‘Hambiko ni si thaviko Txizimu, kambe ni si xoniphiko vathu,

Luka 16:3

Se muwoneleti a to pimisa mbiluni kwakwe a txi khene: ‘Ni na txani kuwa, ngako nyamne wangu a ni humisako ha mthumoni kani? Kudima kha ni sikoti, kutsimbila ni kombela, ka ni thela tingana.

Luka 7:37

Konaho ku to bwaka wamsikati wa kona didhoropani mule, awu i nga ti txionhi. A tile ngu kupfa ti to Jesu a ha sakudyani nyumbani ka mfarisi; a to neha txikadyana txa kuwumbwa ngu mraka wo basa, txi di ni mafura o bhumula.

Luka 3:8

Ngako i di toneto, humisani mihando yi yi kombisako kuhunduluka; mi nga thukeni mi alakanya mi txi khanu: ‘Hi ni tate, wathu Abrahamu’; nguko ni khani kwanu: Txizimu txi nga sikota kuhindula marigwi awa me maha vanana va Abrahamu.

Mavingu 23:7

Nguko a ti a nga ti alakanya, ti mbiluni kwakwe; ene a na kugela ku khene: Dyana kha kwati u sela; na kuve mbilu yakwe kha yi nga ni nawe.

2 Vafumeli 5:20

Sekoko Gehazi, dijaha da Elixa, m'thu wa Txizimu, a to khene: Hi nga wonani, nyamne wangu a tsimbile musiriya wule Nahanani, ku mninga ngu dianza dakwe, sa sidotho ka sile a ngadi naso. Ni xambanya ngu Mkoma wo hanya a tito, ni na tutuma ngu msana kwakwe ni ya teka txokari.

Luka 12:17

Konaho ene a to pimisa a txi khene: ‘Ni na mahisa kutxani kani? Kha ni nga ni wukhalo wo veka kona silo sangu!’

Matewu 20:16

Se ngu toneto, ava i ku vo gwitisa va na va i di vo khata, ani va i ku vo khata va na va i di vo gwitisa.”

Matewu 21:11

Dibutho di txi angula, di txi kha dona: “Awuwa i Jesu, mprofeti wa Nazareta ka Galileya.”

Luka 7:38

Se a di zumbile ngu msana kwakwe, a txi dila, a to khata ku nakanisa mikondo ya Jesu ngu mirongo, a txi yi bahulela ngu misisi, a txi yi pswopswa, ngu msana a txi yi totela mafura ale o bhumula.

Luka 7:40

Aniko Jesu a to angula a txi khene: “Simoni, ni na ni dipswi ni nawe.” Ene a ti khene: “Womba, M'gondisi.”