Luka 7:37 - Bhiblia Yo Sawuleka

³⁷ Konaho ku to bwaka wamsikati wa kona didhoropani mule, awu i nga ti txionhi. A tile ngu kupfa ti to Jesu a ha sakudyani nyumbani ka mfarisi; a to neha txikadyana txa kuwumbwa ngu mraka wo basa, txi di ni mafura o bhumula.

Luka 7:37 Referans Kwoze

Luka 5:32

Ani kha na tela ku ta dhana ava vo lulama, aniko ni tete ku ta dhana vaonhi kuhundulukani.”

Matewu 21:31

Se i mani ka vona va vavambidi, awu a nga maha kuranda ka tate wakwe, kani?” Se vona va txi kha vona: “Ngu wule wo khata.” Jesu a to va gela a txi khene: “Ngu ditshuri nanani na mi gela: Vakhupisi ni magelegele va na mi thangela kuwulela Mfumoni ka Txizimu.

1 Pedro 4:18

Ngako mlulami ti mkaratelako kuhuluka, nji txani txi nota humelela ka wu i ku m'bihi, ni wu i ku muonhi kani?

1 Timoti 1:9

na hi txi tiziva ti to wona kha wa vekelwa ava vo lulama, aniko wu veketwe ava vo biha ni vaeyisi, ava va si thaviko Txizimu, ni vaonhi ni vamahi va to yila ni va va mahako to nyenyeza ngu sa Txizimu, ava va dayako vatate vawe ni vamame vawe, ni vadayi va vathu;

Luka 18:13

Aniko mkhupisi, a di emile ngu kule, a ti si tsani ni kugula maso e wona nzumani, aniko a txi ti peka khana a txi khene: ‘Txizimu txangu, telwa ngu wumbilu ni nani, ni ku muonhi.’ ”

Luka 5:30

Se vabhali ni Vafarisi va to ngurangura, va txi kha vona ka vagondiswa vakwe: “Ngu kutxani mi txi dya ni kusela ni vakhupisi ni vaonhi, kani?”

Varoma 5:8

Aniko, Txizimu txa hi kombisa lirando la txona, nguko Kristu a tumete ku hi fela athu hi di ngadi vaonhi.

Johani 11:2

Mariya ngu wule a nga tota mafura Mkoma, e tshumela e bahulela mikondo yakwe ngu misisi yakwe. Lazaro, awu a nga ti lwala, i ti ndiyakwe.

1 Timoti 1:15

Ni womba dipswi do thembeka ni da kuamukeleka ka votshe vathu: Kristu Jesu a tile ha mafuni ku ta hanyisa vaonhi, ava ani ni ku wo thanga kwawe.

Johani 9:31

Kambe ha tiziva ti to Txizimu kha txi engisi vaonhi; aniko awule a txi khozelako, a txi maha kuranda ka txona, eyo txona Txizimu txa mu engisa.

Johani 9:24

Ka wumbidi, va to engeta ve m'dhana m'thu wule i nga ti dibhofu, va txi kha vona kwakwe: “Dhumisa Txizimu! Athu ha tiziva ti to eyo m'thu muonhi!”

Luka 19:7

Mbimo yi va nga wona tiya, votshe va to khata kungungurukela, va txi kha vona: “A endela nyumbani ka muonhi.”

Luka 7:34

Mwanana wa M'thu, ene a tile, wa dya ni kusela, mi txi khanu: ‘Hi nga wonani: Nyalimito ni didevi, mndoni wa vakhupisi ni vaonhi.’

Luka 7:36

Mfarisi wokari a to dhana Jesu kutadya nayo sakudya. Ene a to wulela nyumbani ka wule wa mfarisi, a txi khalahatsha ha mezani ka sakudya.