Luka 7:33 - Bhiblia Yo Sawuleka

³³ Nguko Johani Mubhabhatisi a tile, asi dyi sakudya, asi seli vhinya, kambe mi txi khanu: ‘Ana ni didhimoni.’

Luka 7:33 Referans Kwoze

Luka 1:15

Ene a na va i di wa hombe masoni ka Mkoma, kha na mbi sela vhinya mwendo wusuke wo levisa, a na tala ngu Moya wo Sawuleka a di ngadi mndani ka mame wakwe;

Marku 1:6

Johani a ti ambate didhowo da dikamelu, e ti sunga txiwunu ngu libhande la didhowo, a txi dya humbi ni wulombe wa txitinga.

Mithumo 2:13

Aniko vamwani va to va seka, va txi kha vona: “Va levile ngu vhinya yo lombela.”

Johani 10:20

Wungi wawe, va ti ti kha vona: “Ana ni didhimoni, a hundekile! Ngu kutxani mi mu engiselako kani?”

Johani 8:52

Vajudha va txi kha vona kwakwe: “Konkuwa se ha tiziva ti to u na ni didhimoni. Abrahamu a fite, vaprofeti ni vona va fite; se awe u khawe: ‘Ngako m'thu a txi veketa dipswi dako, kha na mbi wona lifo ni ditshiku ni da dimwedo.’

Johani 8:48

Vajudha va to xamula, va txi kha vona kwakwe: “Ina kha hi wombi tona ti to khathu, awe u Msamariya, ni ti to khathu u na ni didhimoni kani?”

Matewu 3:4

Ene Johani a ti ambate tinguwo to mahwa ngu madhowo a makamelu, e sunga libhande la didhowo txiwununi. Sakudya sakwe i ti humbi ni wulombe wa txitinga.

Matewu 10:25

Ta enela ka mgondiswa ku a txi dingana ni m'gondisi wakwe, ni ka txithumi ku txi txi dingana ni nyamne wa txona. Ngako va di dhani nyamne wa nyumba va txi i Bhelzebhule va ha mwayani kwakwe va na dhanwa ngu kupindisa.”

Matewu 3:1

Ka ale masiku, ku humelete Johani M'bhabhatisi e txhumayela txiwulani ka Judheya,

Luka 7:32

Va fana ni vanana va va zumbako mtendelani, va dhananako va txi kha vona: ‘Hi mi vetete titshodi, kambe kha ma sinya, hi salukile aniko kha ma dila.’

Luka 7:34

Mwanana wa M'thu, ene a tile, wa dya ni kusela, mi txi khanu: ‘Hi nga wonani: Nyalimito ni didevi, mndoni wa vakhupisi ni vaonhi.’