Luka 7:29 - Bhiblia Yo Sawuleka

²⁹ Votshe va nga ti mu engisa, hambi vakhupisi ni vona va dhumisile kululama ka Txizimu, ve bhabhatiswa ngu txibhabhatiso txa Johani.

Luka 7:29 Referans Kwoze

Luka 3:12

Vasengisi ni vona va tile kasi ku ta bhabhatiswa, va ta mu gela ku kha vona: “M'gondisi, nji txani hi fanelako ku txi maha, kani?”

Luka 7:35

Aniko wuzivi wu lulamilel masoni ka vanana va va wu amukelako.”

Mtuletelo 16:5

Se ni to engisa ngelozi ya mati yi txi kha yona: “Mlulami ngawe, u kuho, awe u nga ti ho, awe Msawuleki, nguko u lamulisile toneto.”

Mtuletelo 15:3

na va txi embelela lindando la Mosi, txithumi txa Txizimu, ni lindando la Txinvutana, va txi kha vona: “Mithumo yako nja hombe, kambe ya xamalisa, awe Mkoma Txizimu txa mtamo wotshe, tinzila tako ndo lulama ni ta ditshuri, awe mfumeli wa otshe matiko.

Varoma 10:3

Nguko, ngu ku ambi ziva kululama ka Txizimu ni kulava ku ti emisela kululama kwawe vona ngu txawe, kha va ti veka hahatshi ka kululama ka Txizimu.

Mithumo 19:3

Se ene a nje khene: “Kasi mi bhabhatisilwe ngu txibhabhatiso muni kani?” Vona va to angula, va txi kha vona: “Ngu txibhabhatiso txa Johani.”

Mithumo 18:25

A ti gondisilwe nzila ya Mkoma, se ngu kukhutala kwakwe moyani a ti womba-womba ni kugondisa timhaka ta Jesu, ngu longoloko ya yinene, hambiko a nga ti ko ziva txibhabhatiso txa Johani dwe. Ngu konaho Apolosi a to khata kuwombawomba disinagogani, asi thavi txilo.

Masalmo 51:4

Ni kuonhete, ngawe wekha ni nga kuonhela, ngu kumaha kubiha ku awe u ku nyenyako. Ngu mhaka yeto, u na ni fanelo ngako u txi ni lamula kambe ti lulamile ngako u txi ni abanisa.

Valamuli 1:7

Sekoko, Adhoni-Bhezeki a to khene: Mtxhanu wa magumi ni mambidi a vafumeli, va nga ti wiletwe titiho ta vanyagotwe, ta manzani ni ta mikondoni, va ti ti rolela maruru hahatshi ka meza yangu; ngu kumaha keto, Txizimu txi ni tshumetete madingano ni ti ni nga va mahela. Se va to tsula nayo Jerusalema, eyo a nga ya fela kona.

Matewu 5:46

Nguko, ngako mi txi randa ava va mi randako dwe, ditshungulo muni mi na ku di mana kani? Hi nga toneto va ti mahako ni vona vakhupisi kani?

Luka 7:28

Se ani ni khani, hagari ka va va nga velekwa ngu vavasikati, kha nga ho wa hombe kupinda Johani; kambe awu i ku wam'dotho Mfumoni ka Txizimu mbwa hombe kupinda ene.”

Luka 20:6

Se ngako hi txi khathu: Ku humile ka vathu, ditiko dotshe di na hi balisela ngu marigwi, nguko votshe va kholwa ngutu ti to Johani i ti mprofeti.”