Luka 7:25 - Bhiblia Yo Sawuleka

²⁵ Kasi mi ti ya wona txani kani? I ti m'thu wu a nga bomba kani? Wonani, ava va ambalako tinguwo ta wubombi ni va va dyako so tshamba, va zumba tinyumbani ka vakoma.

Luka 7:25 Referans Kwoze

Matewu 6:29

Aniko na mi gela ku khani: Hambi Solomoni ka wotshe wudhumo wa kufuma kwakwe, kha ambala kufana ni dimwedo ka ona.

Matewu 3:4

Ene Johani a ti ambate tinguwo to mahwa ngu madhowo a makamelu, e sunga libhande la didhowo txiwununi. Sakudya sakwe i ti humbi ni wulombe wa txitinga.

Isaya 59:17

Nguko a ti ambekile kululama, ku nga txikatawu txa simbi, e sanzeka txigoko txa kuhanyisa ha msungo kwakwe, se a to ambala syambalo so ti photela, e fenengela txiluse txi txi nga dijasi.

Esteri 8:15

Sekoko Mordhekayi a to khukha masoni ka mfumeli a di ambate syambalo sa wukoma sa mkuxe ni so basa, kambe a di ni m'bhoti wa hombe wa nzalama, ni dijasi da linyu yo hehuka da txiwunguwungu, se didhoropa da Susani di to kwangula di tsaka.

Esteri 5:1

Ku to maheka koko tito, ka ditshiku da wuraru, Esteri e ambala syambalo sakwe sa wufumeli, se eya ema mndani ka muhubhe wa nyumbani ka mfumeli, ngu masoni ka nyumba ya mfumeli; kambe mfumeli a ti ti khalahatshile ha txikhaloni txakwe txa wukoma, nyumbani ka wukoma, masoni ka txike txa nyumba.

Esteri 4:2

kala kuza e hoka masoni ka txike txa mfumeli; nguko ni wammweyo wo ambala masaka, asi dingani kuwulela ngu sike sa mfumeli.

Esteri 1:11

ti to ve tisa mfumeli wa txisikati Vhasta masoni ka mfumeli, na a di ni m'bhoti wa wufumeli, kasi ku ta kombisa kutshura kwakwe, masoni ka vathu ni ka vathangeli, nguko a ti ti tshurile ngutu.

Esteri 1:3

ka dilembe da wuraru da kufuma kwakwe, a to ramba votshe vathangeli vakwe ni sithumi sakwe (mitamu a Persiya ni Medhiyani, ni vathangeli va hombe va matiko a hombe, va ti ti ho masoni kwakwe),

2 Vafumeli 1:8

Se vona va to kha vona: I ti wamwamna wo ambala madhowo, a di sungile libhandi la didhowo txiwununi kwakwe. Mfumeli a to xamula ku khene: I Elija, wa Tisibha.

1 Vafumeli 10:5

ni sakudya sa ha mezani kwakwe, ni mazumbelo a sithumi sakwe, mathumelo a vathu vakwe, ni syambalo sawe, ni vatheleli va magombe akwe, ni mu a nga ti kwela ngu kona kuya Nyumbani ka Mkoma, a to pwata ni to womba.

2 Samuwele 19:35

Nyamsi ni ni mtxhanu wa magumi ni magumi mararu a malembe, ina ni nga sikota kuhambanisa to biha ni ta tinene kani? Ina txithumi txako txi nga sikota kupfa kutshamba ka sile txi dyako ni kusela kani? Ina ani ni nga engisa mapswi a vaembeleli va vavamna ni vavasikati kani? Se txithumi txako txi nga rwekela txani kambe kunemela mfumeli, nyamne wangu, kani?

Matewu 11:8

Se nji txani mi nga ya txi wona kani? M'thu wo ambala tinguwo totshura ngutu kani? Aniko ava va ambalako tinguwo totshura ngutu va zumba tinyumbani ka vafumeli.

Luka 7:24

Ava va nga ti rumilwe ngu Johani, ngako va di khukhile, Jesu a to khata kuwombawomba ngu ta Johani ka vathu, a txi khene: “Mi ti ya wona txani txiwulani kani? I ti litshava li li nga txi dekadekiswa ngu moya kani?

Luka 7:26

Se mi ti ya wona txani kani? I ti mprofeti kani? Ina! Ani na mi gela: Ngu wu a palako mprofeti.

Luka 16:19

“Ku ti ti ho m'thu i nga ti nyatithombe, awu a nga txi ambala tinguwo ta masilika o bhilivila ni linya ya lisima ngutu, a txi dya sa kutshamba otshe masiku.