Luka 7:16 - Bhiblia Yo Sawuleka

¹⁶ Votshe va to telwa ngu kuthava ngutu, va txi dhumisa Txizimu, va txi kha vona: “Mprofeti wa hombe a humelete hagari kwathu, Txizimu txi endete vathu va txona.”

Luka 7:16 Referans Kwoze

Luka 7:39

Ngako a txi ti wona, mfarisi wu a nga mu dhanela sakudya, a to pimisa mbiluni kwakwe, a txi khene: “Idiku mamowa wo va mprofeti, a ndi na m'ziva wu wamsikati a m'gwesako, ti to i mani, nguko ene njionhi.”

Matewu 9:8

Mabutho a vathu, ngako ma txi wona tiya ma to telwa ngu kuthava, me dhumisa Txizimu atxiya txi nga ninga vathu mtamo wo maha eto.

Luka 1:68

“A na dhumiswe Mkoma, Txizimu txa Israyeli, nguko a endete vathu vakwe, a txi va tirula.

Jeremiya 33:9

Se adiya didhoropa di na va da ditina da litsako ni kudhumisa ni wudhumo, hagari ka otshe matiko a ha mafuni, ma no pfa wotshe wunene wu ni mmahelako; kambe va na xamala, ni kudhudhumela, ngu mhaka ya wotshe wunene, ni mhaka ya kotshe kuthutha, aku ni di ningako.

Luka 5:26

Konaho va to xamala votshe, ve dhumisa Txizimu, ve tala ngu kuthava, va txi kha vona: “Nyamsi hi woni txixamaliso.”

Luka 2:20

Ti di mahile eto, va to tshumela vadyisi, na va txi dhumisa ni kubonga Txizimu, ngu totshe ti va nga ti wona ni ku tiengisa, nga ti va nga ti gelisilwe tona.

Luka 1:65

Votshe vaakelani vakwe va to telwa ngu kuthava, se timhaka tiya ti txi hangalaka ni dotshe ditiko da mmango wa Judheya.

Matewu 21:11

Dibutho di txi angula, di txi kha dona: “Awuwa i Jesu, mprofeti wa Nazareta ka Galileya.”

Matewu 15:31

Ahawa ka kuva mabutho ma txi xamala ngu kuwona siduma si txi womba-womba, mabhofu ma txi wona. Se ve dhumisa Txizimu txa Israyeli.

Masalmo 65:9

Awe wa xayisa ditiko, u txi di rumela txyandela u txi di ninga kunona ni kupfuna. Wa tata minambo yi txi khulunga se u txi nonisa tithembwe ta fulaho, nguko mafu u ma mahete toneto.

Eksodha 4:31

Se athu va to kholwa; se kambe va tsakile ngu kuziva ti to Mkoma a alakanyile vanana vakwe va ka Israyeli, ngu kuwona ti vona va xanisekisako tona. Va to khizama va txi khozela Mkoma.

Vagalatiya 1:24

Se vona va ti dhumisa Txizimu ngu kota yangu.

Mithumo 5:5

Ngako Ananiya a di engisile mapswiyo, a to wa hahatshi efa. Se votshe va va nga tiengisa, va to tala ngu kuthava ngutu.

Johani 9:17

Va to engeta kambe ve womba ka dibhofu, va txi kha vona: “Awe u wona txani ngu wule a nga kutula maso kani?” Ene a va xamute a txi khene: “Mprofeti.”

Johani 6:14

Vathu vale koko va di woni txixamaliso txile Jesu a nga ti txi mahile, va to kha vona: “Kha ditshuri awu ngene Mprofeti wu a fanelako kuta ha ditikoni.”

Johani 4:19

Wamsikati a to khene: “Mkoma, na ti wona ti to kasi u Mprofeti:

Johani 1:25

Vona va to mu wotisa va txi kha vona: “Se i mhaka muni u txi bhabhatisa na u si nga Mesiya, u si nga Elija, u si nga Mprofeti kani?”

Johani 1:21

Se vona va to mu wotisa, va txi kha vona: “Ngawe mani kani? Ina ngawe Elija kani?” Ene a txi khene: “Kha ni nga ene.” “Mwendo u mprofeti kani?” Ene a txi angula, a so khene: “Ahim-him.”

Luka 24:19

Se Ene a to va wotisisa a txi khene: “Ta txani, kani?” Vona va xamute va txi kha vona: “Atiya ti wombako ngu mhaka ya Jesu wa Nazareta, i nga ti mprofeti wa mtamo mu ka mithumo ni mu ka kuwombawomba, masoni ka Txizimu ni ka votshe vathu.

Luka 9:19

“Vathu va kha vona ngani mani kani?” Vona va to xamula va txi kha vona: “Va u Johani Mubhabhatisi, se vamwani va kha vona u Elija, vamwani kambe va kha vona u mmweyo wa vaprofeti, a nga wuka ngu ka vakufa.”

Luka 8:37

Se vathu votshe va ditiko da Vagerasa va to kombela Jesu ti to e khukha ditikoni kwawe, nguko va ti ni kuthava ka hombe. Se Jesu a to wulela ngalavani e tshumela.

Luka 5:8

Simoni a di woni tiya, a to ti wisa minengeni ka Jesu, a txi khene: “Mkoma, khukha hawa kwangu, nguko ani ni muonhi!”

Matewu 28:8

Se vona va di khukhile ha diyivani ngu kukuluveta, na va di tate ngu kuthava ni litsako la hombe, va to tutuma veya zivisa vagondiswa vakwe.

Mithumo 7:37

I ngadi ene Mosi awu a nga womba ka vanana va ka Israyeli, a txi khene: Txizimu txi na wusa hagari ka vananu mprofeti wo nga ani.

Luka 19:44

“Va na kudikha hahatshi, awe ni vanana vako, va ku kwako. Kambe kha va na mbi siya kwako dirigwi txitimwi ka dirigwi, nguko khwa ziva mbimo yi u nga endelwa ngu yona.”

Dhewuteronome 18:15

“Mkoma, Txizimu txako, a na ku humisela mprofeti wo fana ni nani, hagari ka va ka kwanu; awule mi no fanela ku mu engisa”;

Luka 7:15

Konako, mufi a to khalahatsha a txi khata kuwombawomba. Se Jesu a to mningela ka mame wakwe.